Aýa raıy
Astana 0 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Jastar Jas Otan-ǵa qanshalyqty senedi – uıym tóraǵasynyń jaýaby

2020 jyldyń 15 qyrkúıek 2020 17:53

NUR-SULTAN. QazAqparat – Jastar Jas Otan-ǵa qanshalyqty senedi? Bul suraqqa uıymnyń tóraǵasy Elnur Beısenbaev jaýap berdi, dep habarlaıdy QazAqparat tilshisi.

«Jas Otan – jastardyń iri uıymdarynyń biri. Onyń quramynda myqty da maqtaýly azamattar kóp. Bizdiń búkil óńirde fılıalymyz bar. Jas Otan uıymynyń jumysyn túsine bermeıtin kóp adamdar biz týraly «bir kúndik sharýamen aınalysyp júr» dep te aıtady. Biraq olaı emes. Bizde jastarǵa qyzyqty bolatyn baǵdarlama jeterlik. Sonyń biri – «Jastar - Otanǵa!». Ol 2 mıllıonǵa jýyq adamdy qamtıdy. Biz ol baǵdarlama aıasynda shynaıy jumyspen jastarǵa kómek, qoldaý kórsetemiz», - dedi Elnur Beısenbaev OKQ-da ótken baspasóz máslıhatynda.

Onyń aıtýynsha, Jas Otan jastar úshin áleýmettik lıftke aınalǵan.

«Jas Otan uıymyna múshe jastardyń kóbi qazir memlekettik qyzmette, ulttyq kompanııalarda júr. Kez kelgen azamat júgingen jaǵdaıda biz oǵan kómektesýge daıynbyz», - dedi ol.

Eske sala ketsek, Elnur Beısenbaev búgingi baspasóz máslıhatta uıymnyń 2025 jylǵa deıingi «Jastar - Otanǵa!» baǵdarlamasyn tanystyrǵan bolatyn.

Onyń aıtýynsha, baǵdarlama bes baǵyttan turady. Birinshisi – azamattyq belsendilik, ekinshisi – sapaly bilim, úshinshisi – jumysqa ornalasý jáne jumyspen qamtý, tórtinshi – jas otbasylardy baspanamen qamtý jáne qoljetimdi baspana, besinshisi – tulǵalyq damý jáne bos ýaqytty tıimdi ótkizý.


Joǵary qaraı