Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jastardy qoldaý aıasy keńeıe tústi - Janserik Juman

2022 jyldyń 21 qańtar 2022 14:48

TÚRKІSTAN. QazAqparat - Parlament Májilisiniń otyrysynda Prezıdent Qasym-Jomart Toqaev Prezıdent jastar kadr rezervi jobasynyń jalǵasatynyn aıtyp ótti. «Bul - jastar úshin úlken qoldaý» deıdi Túrkistan qalalyq máslıhatynyń depýtaty Janserik Juman.

«Memleket basshysy elimizdiń bolashaq damý josparyn aıqyndap, alda turǵan negizgi mindetterge toqtaldy. Onda jańasha oılaýdy qalyptastyrý - memlekettik apparat jumysyna jańa təsilderdi engizýdiń tetigi ekendigin jetkizdi. Bul baǵytta Prezıdenttiń jastar kadr rezervi jobasy nátıjeli júzege asyp keledi. Tyń təjirıbeniń aldaǵy ýaqytta da jalǵasatynyn jetkizgen el Prezıdenti asqaq armany men naqty maqsaty bar jastardy taǵy da bir qýantyp ótti», - deıdi ol.

Jalpy Prezıdenttiń tapsyrmalary jastarǵa úlken qoldaý bolyp otyr.

Máselen, Qasym-Jomart Toqaev jumyssyzdyqty, əsirese, jastar arasyndaǵy jumyssyzdyqty azaıtýǵa erekshe kóńil bólý kerektigin jetkizdi.

«Bul baǵytta Úkimetke «Jastar təjirıbesi» jəne «Alǵashqy jumys orny» jobalaryna qatysýdyń merzimin sozyp, eńbekaqysyn kóterý múmkindigin qarastyrýdy tapsyrdy. Halyqtyń əleýmettik osal tobyndaǵy jastardyń iskerlik bastamalaryn iske asyrýǵa jaǵdaı jasaý mańyzdy ekendigin aıta kele, Úkimetke tıisti granttardyń mólsherin 2 ese – 400 aılyq eseptik kórsetkishke deıin kóbeıtý júktedi. Bul da bolsa - joǵary oqý ornyn endi bitirgen jastar úshin úlken múmkindik dep bilemiz» - deıdi ol.

Janserik Baýyrjanuly halyq tyǵyz ornalasqan óńirlerden oqýǵa túsýshiler úshin tehnıkalyq baǵyttar boıynsha 10 000 grant bólý josparlanyp jatqanyn atap ótti.

Olardyń qatarynda Túrkistan oblysy da bar.

«Sonymen qatar, Qasym-Jomart Kemeluly azamattardyń əl-aýqaty jəne əleýmettik kóńil-kúıi memlekettiń basty nazarynda bolýy kerektigin atap ótti. Tsıfrlarmen oınaýdy qoıyp, naqty isterge kóshetin kez kelgenin aıtty. Áleýmettik-eńbek salasyn sapaly jańartý qajettigin jetkizip, halyqtyń tabysyn arttyrý baǵdarlamasyn əzirleý kerektigine toqtaldy. Mine, munyń barshasy el ishindegi úlken máseleler dep bilemin. Aldaǵy ýaqytta eldegi jumyssyzdyq azaıyp, kásipkerlerlikpen aınalysýshylar qatary kóbeıetin bolady. Prezıdent qoıyp otyrǵan negizgi mindettiń biri de osy. Memleket basshysy óz baıandamasynda halyqtyń kókeıinde júrgen ózge de máselelerdi dóp basyp jetkizdi. Biz Prezıdent usynǵan bastamalardy tolyq qoldaımyz jáne Jańa Qazaqstandy Qasym-Jomart Kemelulymen birge quramyz» - deıdi jas depýtat.


Joǵary qaraı