Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jatyr moıny qaterli isiginiń asqynýyna ne sebep bolady

2021 jyldyń 21 qańtar 2021 21:14

NUR-SULTAN. QazAqparat – Jatyr moıny qaterli isigimen aýyratyndar jyl ótken saıyn jasaryp kele jatyr. Bul týraly QR Densaýlyq saqtaý mınıstrliginiń bas onkolog dárigeri, Qazaq ulttyq onkologııa jáne radıologııa ınstıtýtynyń dırektory Dılıara Qaıdarova Instagram paraqshasynda ótken tikeleı efırde aıtty, dep habarlaıdy QazAqparat tilshisi.

«Jatyr moıny qaterli isiginiń paıda bolýyna sebep bolatyn negizgi faktor – adamnyń papılloma vırýsy. Bul týraly búgingi tańda búkil álem biledi. Adam papılloma vırýsynyń 16 jáne 18-tıpi jatyr moıny qaterli isigin týdyrady. Bizdiń memlekette adam papılloma vırýsyna arnalǵan skrınıng joq, sol sebepti áıelder turaqty túrde dárigerge baryp, qaralyp turýy kerek», - deıdi bas onkolog dáriger Dılıara Qaıdarova.

Onyń aıtýynsha, serigin jıi aýystyrý jáne basqa da sebepter bul aýrý túriniń paıda bolýyna sebepshi bolady.

«Qorǵanys quraldaryn qoldanbaǵan jynystyq qatynas, adam boıynda bakterııalyq jáne vırýstyq ártúrli ınfektsııa bolýy jatyr moıny qaterli isiginiń paıda bolýyna ákep soǵady. Jynystyq qatynaspen tym erte aınalysatyn qyzdar ártúrli ınfektsııa, vırýs juqtyryp alady. Sonyń saldarynan jatyr moıny zaqymdalady. Ondaı boıjetkenderde 10, 15, 20 jyl kóleminde qaterli isik derti paıda bolýy múmkin. Negizi bul aýrý túrimen 40 jastan asqandar aýyrady, biraq jyl ótken saıyn jatyr moıny qaterli isigi jasaryp keledi. Bizge 1992 jylǵy qyzdar osy dertpen keledi», - deıdi ol.


Avtor Zarına Qaharman
Basty sózder: Medıtsına,
Joǵary qaraı