Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jazǵy demalys ýaqytyn qalaı qaýipsiz ótkizýge bolady

2022 jyldyń 23 mamyr 2022 10:02

NUR-SULTAN. QazAqparat - Jazdyń bastalýyna sanaýly kúnder qaldy. Kúnge qyzdyrynyp, tabıǵat aıasyna shyǵyp, serýendeý, balmuzdaq alyp, sý aıdyndaryna shomylý maýsymyn kópshilik asyǵa kútedi. Degenmen ony qaýipsiz ótkizýdiń joldaryn, saqtyq sharalaryn da umytpaǵan jón. Osyǵan baılanysty Sanıtarlyq-epıdemıologııalyq baqylaý komıtpeti birqatar aqyl-keńes usynady.

Ormanǵa, saıabaqqa shyǵyp, qala shýynan bir sát demalyp, tabıǵatpen úndesip, kúsh pen shabyt jınaı alasyz, alaıda keneden keletin keseldi de umytpaǵan durys.

Bul jándikter - túrli ınfektsııalyq aýrýlar – kene entsefalıti men Kongo-Qyrym gemorragııalyq qyzbasynyń tasymaldaýshylary.

Eske sala keteıik, osydan birneshe kún buryn Túrkistan oblysy turǵynynan asa qaýipti sanalatyn Kongo Qyrym bezgegi anyqtaldy.

Qazirgi tańda naýqastyń jaǵdaıy asa aýyr, jansaqtaý bóliminde em qabyldap jatyr.

Keneden saqtaný úshin qandaı sharalardy umytpaý qajet?

Kıim birtekti aqshyl tústes bolǵany durys, sebebi ondaı kıimnen keneniń bar-joqtyǵyn baıqaý ońaı.

Shalbardyń balaǵyn shulyqtyń ishine salý kerek. Bul estetıkalyq turǵydan ádemi kórinbesi anyq, esesine deneniń biraz bóligi jabyq, qaýipsizdikte bolady.

Bas kıim kııý. Birinshiden, kúnniń ótip ketýinen qorǵaıdy, ekinshiden, moıyn men shekeni kene shaǵýdan saqtaıdy.

Ózińizdi, dostaryńyz ben birge ertip júrgen janýarlardyń ústin jıi tekserip otyryńyz.

Úıge kelgennen keıin de ózińizdi bastan-aıaq tekserip shyǵyńyz.

Tabıǵat aıasyna kıip shyqqan kıimińizdi mindetti túrde tazalap alyńyz.

Eger ózińizden kene taýyp alǵan bolsańyz, úreıge boı aldyrmańyz!

Tez arada muqııat deneden alyp tastańyz. Maı quıýdyń qajeti joq. Eń durysy pıntsetti nemese dárihanadan keneni alyp tastaýǵa annalǵan quraldy paıdalanyńyz.

Eger Siz entsefalıt nemese borrelıoz aýrýshańdyǵy belsendi taralǵan aımaqtan oralǵan bolsańyz, keneni saraptaýǵa ótkizińiz.

Tez arada vaktsına qabyldaý úshin medıtsınalyq mekemege júginińiz.

Taǵy bir qaýip – ishek ınfektsııalary

Jaz mezgilinde kúnniń jylynýyna baılanysty taǵamnan ýlaný derekteri jıileı túsedi. Medıtsınalyq statıstıkaǵa júginsek, aýrý kórsetkishi 40 jáne odan da joǵary kórsetkishke arta túsedi. Aýrýdyń aldyn alý joldary qandaı?

Aptap ystyqta tez buzylatyn taǵamdardy satyp almańyz: irimshik, sútqyshqyldy ónimder, bálishter, balyq, sýshı, quıylmaly balmuzdaq jáne maıonezi bar salattar.

Taǵamdardy saqtaý talaptary oryndalmaıtyn, kúmán keltiretin jazǵy tamaqtaný oryndarynan aýqat satyp alýdyń da óz qaýpi bar. Esińizde bolsyn, satyp alatyn ónimniń qujatyn suraýǵa tolyq quqylysyz.

Birqatar ónim kún ystyqta óz balǵyndyǵyn joǵaltyp, kerisinshe densaýlyqqa zııan keltirýi múmkin. Ásirese, muny káýapqa etti marınadtaý kezinde eskerý kerek.

Jemis-jıdekterdi muqııat jýyńyz.

Eger zııansyz sańyraýqulaqtardy tańdaýda tájirıbeńiz bolmasa táýekelge barmaǵanyńyz durys.

Taǵamnan ýlanǵan kezde ne isteý kerek?

5-7 l kóleminde sý iship, asqazandy jýý kerek, keıin sorbent qabyldaýǵa bolady.

Tynyǵý.

2-3 saǵat kóleminde tamaqtanbaý. Tek suıyqtyq ishken jón.

Dene qyzýyn baqylaýda ustaý.

Qajet bolǵan jaǵdaıda dáriger kómegine júginý.

Koronavırýs ınfektsııasynan saq bolyńyz

Búgingi kúni bul ınfektsııa boıynsha eldegi epıdemıologııalyq ahýal turaqty, degenmen bosańsýǵa negiz joq, sebebi vırýs áli de aınalymda bar jáne mýtatsııasy toqtaǵan joq.

Bir apta buryn Densaýlyq saqtaý mınıstrligi koronavırýstyń «Stels-Omıkron» túriniń barlyq óńirde bar ekenin málimdegen bolatyn.

«Sáýir-mamyr aılarynda júrgizilgen PTR skrınıngtiń qorytyndysy boıynsha koronavırýstyq ınfektsııa shtamdarynyń túrli nusqalarynyń aınalymy anyqtaldy. Barlyq aımaqtarda omıkronnyń BA.1 shtamy anyqtaldy – 98,6 %, onyń ishinde 12 óńirde «Stels-Omıkron« BA.2 anyqtaldy - 36,7%.Sondaı-aq, B. 1.617-like Delta shtamm aınalymy jalǵasyp jatyr. Ol zerttelgen synama sanynyń 1,4%-yn qurady», - delingen habarlamada.

Ózińizdi jáne jaqyndaryńyzdy koronavırýs ınıaektsııasynan qorǵaýdyń jalǵyz joly – ýaqytyly jasalǵan vırýsqa qarsy vaktsınatsııa, revaktsınatsııa.

Demalys - keremet ýaqyt, eń bastysy kúsh-jigerdi qalpyna keltirý úshin qajet. Sondyqtan ony qaýipsiz ótkizý kerek.


Joǵary qaraı