Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jeke tulǵalardyń tabysy men múlki týraly deklaratsııa tapsyrýy bastaldy

2022 jyldyń 26 qańtar 2022 16:53

NUR-SULTAN. QazAqparat - Jeke tulǵalar tabysy men múlki týraly deklaratsııa tapsyratyn kez keldi. Bul týraly QR Qarjy mınıstrliginiń Memlekettik kirister komıtetinen málim etti, dep habarlaıdy QazAqparat tilshisi.

«2021 jyly jalpyǵa birdeı deklaratsııalaýdyń birinshi kezeńiniń aktıvter men mindettemeler týraly deklaratsııany (250.00 nysan) tapsyrý merzimi aıaqtaldy. Birinshi kezeń aıasynda deklaratsııany memlekettik qyzmetshiler men olarǵa teńestirilgen tulǵalar, sondaı-aq olardyń jubaılary (zaıyptary) usynǵan. Osy jyldan bastap bul tulǵalar jyl saıyn tabysy men múlki týraly deklaratsııany tapsyratyn bolady (270.00 nysan). Onda esepti kúntizbelik jyly alynǵan kiristeri, salyq shegerimderi, múlki, Qazaqstan Respýblıkasynan tysqary jerde ornalasqan sheteldik bankterdegi banktik shottardaǵy aqsha, sondaı-aq Qazaqstan Respýblıkasynan tysqary jerlerdegi múlikti satyp alý jáne (nemese) ıelikten shyǵarý týraly málimetter kórsetiledi», - dep atap ótedi komıtetten.

Vedomstvo málimetinshe, kiristeri men múlki týraly deklaratsııany «Salyq tóleýshiniń kabıneti» (kgd.gov.kz), eSalyq Azamat mobıldi qosymshasy arqyly, sondaı-aq qaǵaz túrinde memlekettik kirister organdaryna nemese halyqqa qyzmet kórsetý ortalyqtaryna kelip qolma-qol tapsyrýǵa nemese poshta arqyly jiberýge bolady.

Birinshi kezeńdegi jeke tulǵalar úshin tabysy men múlki týraly deklaratsııany qaǵaz túrinde 2022 jyldyń 15 shildesinen keshiktirmeı, elektrondy túrde 2022 jyldyń 15 qyrkúıeginen keshiktirmeı tapsyrý qajet.


Joǵary qaraı