Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jekemenshik balabaqshalardyń tárbıeshilerine eshqandaı jeńildik joq - qaýymdastyq

2022 jyldyń 13 mamyr 2022 14:21

NUR-SULTAN. QazAqparat – Osy ýaqytqa deıin elimizde jekemenshik balabaqshalardyń tárbıeshilerine arnalǵan biliktilik arttyrý kýrstary uıymdastyrylǵan emes. Bul jaıynda Qazaqstannyń úzdiksiz bilim berý qaýymdastyǵynyń tóraǵasy Leıla Kúlenova aıtty, dep habarlaıdy QazAqparat tilshisi.

«Bizdiń tárbıeshilerimizdiń biliktiligin arttyrýdy aıtyp kelemiz. «Órleý» (Ulttyq biliktilik arttyrý ortalyǵy) bar. Al osy «Órleýde» bizdiń tárbıeshilerimiz birde bir ret biliktilik arttyrǵan emes. Osy jyldar boıy memlekettik balabaqshalardyń ǵana tárbıeshilerin oqytyp keledi. Jekemenshik balabaqshalardyń tárbıeshilerine eshqandaı jeńildik joq. Sonda biz kórshi memlekettiń balalaryn tárbıelep otyrmyz ba?», - dedi ol elordada uıymdastyrylǵan baspasóz máslıhaty barysynda.

Onyń deregine qaraǵanda, búginde elordada jumys istep turǵan balbaqshalardyń basym bóligi jekemenshik.

«Qanshama jeke balabaqsha ashyldy. Óıtkeni, memlekettiń ózi kezinde balalardy mektepke deıingi bilimmen qamtýdy arttyrý úshin bul salaǵa bıznesti tartqan bolatyn. Endeshe, tárbıeshilerge birdeı quqyq bermeske», - dedi Leıla Kúlenova.


Avtor Marlan Jıembaı
Basty sózder: Bilim, Nur-Sultan,
Joǵary qaraı