Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jekeshelendirý jospary: 106 obekt 36 mlrd teńgege satyldy

2021 jyldyń 14 qyrkúıek 2021 12:01

NUR-SULTAN. QazAqparat – Jekeshelendirýdiń 2021-2025 jyldarǵa arnalǵan keshendi jospary boıynsha jyl basynan beri 36 mlrd teńgege 106 obekt satylǵan, dep habarlaıdy QazAqparat tilshisi.

Bul týraly Úkimet otyrysynda memlekettik bıýdjetiń atqarylý barysyn baıandaǵan QR Qarjy mınıstri Erulan Jamaýbaev málim etti.

«Jekeshelendirýdiń 2021-2025 jyldarǵa arnalǵan keshendi josparynda 733 obektini satý kózdelgen. Esepti kezeńde somasy 36 mlrd teńgege 106 obekt satyldy jáne keıinnen satyp alý quqyǵymen senimgerlik basqarýǵa berildi», - dedi mınıstr.

Onyń aıtýyna qaraǵanda, taǵy 110 obekt satylymǵa qoıylyp, 6 obekt taratýǵa jiberilgen.

«Aldaǵy ýaqytta 451 obektini jeke menshikke ótkizý kerek», - dedi Erulan Jamaýbaev.

Sondaı-aq, ol bıýdjettiń ıgerilýine júrgizilgen aýdıt pen kameraldyq tekserýdiń alǵashqy qorytyndysyn málimdedi.

«8 aıdyń ishinde 5,3 trln teńgeniń 634 myńnan astam memlekettik satyp alý rásimi kameraldyq baqylaýmen qamtyldy. Tekserý qorytyndysy 30 myń rásim boıynsha buzýshylyqtardy anyqtady. Memlekettik aýdıt obektileri olardy joıý boıynsha 29 myńǵa jýyq habarlamany oryndady. Jyl basynan beri 2198 aýdıtorlyq is-shara ótkizilip, 1 trln 429 mlrd teńge bıýdjet qarajaty qamtyldy. 146 mlrd teńge somasyna qarjylyq buzýshylyqtar anyqtaldy. Onyń ishinde 94 mlrd teńgeniń zańsyzdyǵy taýarlardy jetkizý, qyzmet kórsetý jáne jumystardy oryndaý arqyly qalpyna keltirildi. Aýdıt obektileri qyzmetin jetildirý jáne tıimdiligin arttyrý úshin shamamen 2 myń usynym berildi», - dedi vedomstvo basshysy.


Joǵary qaraı