Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Jeltoqsan aıynda aýa raıy qandaı bolady

2020 jyldyń 3 jeltoqsan 2020 08:12

NUR-SULTAN. QazAqparat – Qazgıdromet jeltoqsan aıyna arnalǵan aýa raıy boljamyn jarııalady, dep habarlaıdy QazAqparat.

Jeltoqsannyń birinshi onkúndiginiń basynda jáne sońynda respýblıkanyń soltústik bóliginde, ortalyǵynda jáne shyǵysynda keı jerlerde qar jaýady, burqasyn soǵady. Aýa temperatýrasynyń negizgi fony túnde -23-28°S, kúndiz -12-20°S bolady. Onkúndiktiń sońynda túnde -13-23°S deıin, kúndiz -5-13°S deıin aıazdyń álsireýi boljanady.

Elimizdiń batysynda antıtsıklondyq aýa raıy basym, kóbinese jaýyn-shashynsyz aýa raıy kútiledi. Aýa temperatýrasy túnde -15-25°S, kúndiz -7-15°S shamasynda bolady. Birinshi onkúndiktiń sońynda frontaldy bólikterdiń ótýine baılanysty qar jaýyp, jel kúsheıedi, aýa temperatýrasy túnde -9-15°S, kúndiz 0, -5°S deıin kóteriledi. Qazaqstannyń ońtústik-batysynda túnde -2-10°S tan -8-16°S deıin, kúndiz -2+3°S tan -3-8°S-qa deıin temperatýranyń aýytqýy boljanady.

Respýblıkanyń ońtústigi men ońtústik-shyǵysynda onkúndiktiń basynda jáne sońynda jaýyn-shashyn jaýady, onkúndiktiń basynda taý jáne taý bókterli aýdandarda qatty jaýyn-shashyn jaýady, kóbinese qar túrinde. Tuman, kóktaıǵaq jáne jeldiń kúsheıýi boljanady. Aýa temperatýrasy túnde -5-13°S-tan -10-20°S-qa deıin, kúndiz -5+5°S-tan -8-13°S-qa deıin tómendeıdi.

Sonymen qatar, respýblıkanyń soltústik, shyǵys jáne ortalyq óńirlerinde jeltoqsan aıynyń ortasynda termometr baǵanasy túngi saǵattarda -22-30°S-qa deıin, kúndiz -10-18°S-qa deıin tómendeıdi;

Qazaqstannyń batysynda ekinshi onkúndiktiń basynda jáne sońynda aýa temperatýrasy túnde -10-18°S, kúndiz -5-13°S-qa deıin aıtarlyqtaı tómendeıdi;

eldiń ońtústik bóliginde ekinshi onkúndiktiń ortasynda aýa temperatýrasy túnde -10-20°S-qa deıin, kúndiz -5-13°S-qa deıin tómendeıdi.

Aıdyń sońynda Qazaqstannyń barlyq aýmaǵynda aıazdyń álsireýi kútiledi.


Basty sózder: Aýa raıy, Qazgıdromet,
Joǵary qaraı