Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jemqorlyqqa qarsy turý úshin bılik pen qoǵam tyǵyz jumys isteýi kerek - Berdibek Saparbaev

2021 jyldyń 2 sáýir 2021 11:18

TARAZ. QazAqparat – Jambyl oblysynyń ákimi Berdibek Saparbaev respýblıkalyq «Parasat joly» ortalyǵynyń basshysy, jazýshy, qoǵam qaıratkeri Sádibek Túgel jáne QR Sybaılas jemqorlyqqa qarsy is-qımyl agenttigi tóraǵasynyń keńesshisi Jazıra Jylqyshıevamen kezdesti, dep habarlaıdy QazAqparat tilshisi.

«Parasat joly» jobasy - adaldyq, ádildik, parasat, sondaı-aq qoǵamda ulttyq mádenıet pen rýhanı qundylyqtardy ilgeriletýdi kózdeıtin bastamanyń biri.

Búginde jobanyń ókilderi respýblıkanyń barlyq óńirlerin aralap júr.

Jazıra Jylqyshıevanyń aıtýynsha, buǵan deıin olar batystaǵy óńirlerge taban tiregen, Jambyl oblysynan keıin Túrkistanǵa barý kózdelip otyr.

Kezdesý barysynda Berdibek Saparbaev Antıkordyń bastamasymen qolǵa alynǵan «Parasat joly» jobasynyń mańyzyna toqtalyp, parasat, adaldyq qaǵıdattaryn qoǵamda qalyptastyrý qajettigin, bastamaǵa kitaphanalar da úles qosýy qajettigin atap ótti.

Joba shyǵarmashylyq jandardy bir arnaǵa toǵystyrdy.

Bul qatarda elimizdiń túkpir-túkpirindegi jazýshylar, aqyndar, bilim jáne ǵylym qaıratkerleri bar.

«Bılik pen qoǵam tyǵyz jumys isteýi kerek. Pandemııaǵa qaramastan, ómir jalǵasyp jatyr. Halyq arasynda sybaılas jemqorlyqqa qarsy ımmýnıtetti qalyptastyrý baǵytynda túsindirme jumysy men sharalar júrgizilýi tıis. Biraq, árıne, sanıtarlyq-epıdemıologııalyq talaptardy qatań saqtaı otyryp qana. Bizdiń kúshimiz – mádenıetimiz ben rýhanııatymyzda, salt-dástúrimizde», - dep atap ótti oblys ákimi.

Ótken jyldyń tamyz aıynda Antıkor Ulttyq akademııalyq kitaphana bazasynda shyǵarmashylyq jáne ǵylymı zııaly qaýym ókilderimen tikeleı efır ótkizdi, onda adaldyq, ádildik jáne parasat qaǵıdattarynyń mańyzy talqylandy.

Parasat ıdeologııasyn nasıhattaý men ilgeriletýdiń mańyzdylyǵyn eskere otyryp, kitaphanalar bazasynda «Parasat joly» fılıaldaryn jappaı ashyp, elordalyq tájirıbeni elimizdiń barlyq óńirlerine taratý týraly sheshim qabyldandy.

Kezdesý sońynda Jazıra Jylqyshıeva oblys ákimine «Parasat joly» jobasynyń albomyn syıǵa tartty.

Sádibek Túgel jobany júzege asyrýǵa tek kitaphana qyzmetkerleri ǵana emes, ǵalymdar, jazýshylar, aqyndar, teologtar, din ókilderi de tartylatynyn atap ótti.


Joǵary qaraı