Aýa raıy
Astana 28 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Jemqorlyqpen kúres qyzmeti «Halyq únine qulaq asatyn memleket» tujyrymdamasyn qalaı júzege asyrýda

2020 jyldyń 1 shilde 2020 12:51

NUR-SULTAN. QazAqparat - QR Sybaılas jemqorlyqqa qarsy is-qımyl agenttigi qujat aınalymy basqarmasynyń basshysy Qýanysh Myrzaǵalı vedomstvoda «Halyq únine qulaq asatyn memleket» tujyrymdamasy qalaı júzege asyrylyp jatqanyn aıtyp berdi, dep habarlaıdy QazAqparat tilshisi.

«Halyq únine qulaq asatyn memleket» tujyrymdamasyn júzege asyrý aıasynda ashyqtyq, jedeldik jáne tıimdi den qoıý ustanymdary arqyly halyqpen keri baılanysty qamtamasyz etemiz. Bul baǵyttaǵyjumystar josparly, saraptamalyq negizge uıymdastyrylatyndyǵyn atap ótken oryndy. Bizdiń organnyń tıimdi qyzmetin baǵalaýdyń basty krıterııi - halyq senimi«,- dedi ol agenttiktiń Facebook paraqshasynda ótken onlaın brıfıng barysynda.

Onyń atap ótýinshe, agenttiktiń ortalyq apparatynyń jáne aýmaqtyq departamentteriniń basshylary kún saıyn vedomstvonyń portalynda ınternet konferentsııa arqyly azamattardan túsip jatqan saýaldarǵa jaýap beredi. Beıindi bólimshelerdiń jetekshileri áleýmettik jelide de belsendi jumys istep, azamattardan kelip túsken suraqtarǵa, pikirlerge jaýap berip otyrady. Sonymen qatar ol elimizdiń jemqorlyqqa qarsy saıasatyn jan-jaqty túsindiredi.

«Azamattarǵa quqyqtyq kómek kórsetý úshin, sonymen qatar olardyń quqyqtyq jáne jemqorlyqqa qarsy mádenıetin arttyrý maqsatynda onlaın formatta jumys isteıtin «Adal kómek» atty jańa volenterlik joba iske qosyldy. Bul jumysqa tanymal advokattar, quqyq tanýshylar men zańgerler jumyldyrylǵan. Osy joba aıasynda 620 myńnan astam turǵyndy qamtyǵan 600-den astam efır bolyp, 7,5 myńnan astam azamat quqyqtyq kómek aldy»,- deıdi basqarma basshysy.

Qýanysh Myrzaǵalıdyń dereginshe, elimizdiń barlyq óńirinde «Adaldyq alańy» atty jalpyulttyq joba júzege asyrylyp jatyr. Ol azamattyq qoǵammen ózara is-qımyl alańy sanalady. Búginde bul joba qyzmetimen 700-den astam adam qamtyldy. Eriktiler sany 75 myńnan astam adamǵa jetip otyr.


Joǵary qaraı