Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jemqorlyqtyń saldarymen emes, onyń sebepterimen kúresý mańyzdy - Marat Ahmetjanov

2021 jyldyń 17 qarasha 2021 18:36

TÚRKІSTAN. QazAqparat - Sybaılas jemqorlyqqa qarsy is-qımyl agenttiginiń Tóraǵasy Marat Ahmetjanov Túrkistan oblysynyń aktıvimen kezdesti, dep habarlaıdy QazAqparat.

Іs-sharaǵa oblys ákimi Ómirzaq Shókeev jáne onyń orynbasarlary, memlekettik, quqyq qorǵaý, jergilikti atqarýshy organdardyń basshylary, sondaı-aq qalalar men aýdandardyń ákimderi qatysty.

Іs-shara barysynda Sybaılas jemqorlyqqa qarsy qyzmet basshysy elimizde júrgizilip jatqan sybaılas jemqorlyqqa qarsy is-qımyl salasyndaǵy reformalar týraly aıtyp berdi. Ol Memleket basshysynyń tapsyrmasy boıynsha ázirlenip jatqan QR 2022-2026 jyldarǵa arnalǵan sybaılas jemqorlyqqa qarsy saıasat Tujyrymdamasynyń jobasyna egjeı-tegjeıli toqtaldy.

«Bizdiń mindetimiz – «Halyq únine qulaq asatyn memleket» Tujyrymdamasyn júzege asyrý, qoǵam men kásipkerlerdiń suranysyna baǵdarlaný. Bul jumys Agenttiktiń qyzmetimen shektelmeıdi. Bul baǵytta barlyq memlekettik organdar men ákimdikterdiń belsendi qatysýy mańyzdy. Bul máselede sybaılas jemqorlyqtyń saldarymen emes, onyń sebepterimen kúresý mańyzdy» - dep atap ótti M. Ahmetjanov.




Sonymen qatar, Agenttik basshysy oblystaǵy sybaılas jemqorlyq qylmystarynyń statıstıkasyna toqtaldy:

«Jańa oblys qurylǵannan beri 400-ge jýyq sybaılas jemqorlyq qylmysy tirkelgen. Jyl saıyn qylmystyq jaýapkershilikke turaqty negizde 80-nen astam laýazymdy tulǵa tartylady (2019j.-106, 2020j.-79). Osy jyldyń ózinde 50 adam qylmystyq jaýapkershilikke tartylyp, olardyń 28-i sottaldy».

Sondaı-aq, M. Ahmetjanov oblys aktıvine Agenttiktiń Túrkistan oblysy boıynsha departamentiniń jańa basshysy, general-maıor Q. Qojahmetovty tanystyrdy. Osy laýazymǵa taǵaıyndalǵanǵa deıin ol agenttiktiń Qyzylorda oblysy boıynsha departamentiniń basshysy qyzmetin atqardy.

Óz kezeginde óńir basshysy Ó. Shókeev oblysta sybaılas jemqorlyqqa qarsy saıasatty júzege asyrý boıynsha júrgizilip jatqan jumystardyń nátıjeleri týraly aıtyp berdi.








Joǵary qaraı