Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jeńildetilgen avtonesıede eshbir sanatqa basymdyq berilmeıdi

2022 jyldyń 16 mamyr 2022 14:16

NUR-SULTAN. QazAqparat – 4 paıyzdyq jeńildetilgen avtonesıede eshbir sanatqa basymdyq berilmeıdi. «Ónerkásipti damytý qory» aktsıonerlik qoǵamy basqarma tóraǵasynyń orynbasary Rınat Gapparov osyndaı málimet aıtty, dep habarlaıdy QazAqparat tilshisi.

«Birinshi kezekte avtosalonda bar kólik boıynsha ótinim bergen adamdar paıyzdyq avtonesıe rásimdeı alady. ıAǵnı, birinshi kezekte dep basymdyq beriletin belgili bir sanat bolmaıdy. Bári kezek negizinde retteledi», - dedi qordyń ókili.

Sondaı-aq, ol 4 paıyzdyq avtonesıe rásimdeýdiń qysqasha jolyn túsindirdi.

«Áýeli adam avtomobıldi tańdap alýy kerek. Eger ol tańdaǵan kólik túri avtosalonda joq bolsa, kútý kerek bolady. Avtomobıl kelgen kezde tutynýshy avtosalonǵa shaqyrtylady. Sol jerden ózi tańdaǵan kólikke tólem shotyn alady. Ol shotta kóliktiń VIN-kody bolýy kerek. Osy tólem shotyn qolyna alyp, bankten paıyzdyq nesıe rásimdeıdi.

Bank ótinim men tólem shotyn tek VIN-kod arqyly ǵana alady. Burynǵy jeńildetilgen avtonesıe baǵdarlamasy boıynsha tólem shotynda VIN-kodtyń bolýy talap etilmeıtin. Sonda jańa baǵdarlama boıynsha nesıe salonda bar kólikterge ǵana rásimdeledi degen sóz. Osydan keıin nesıe týraly ótinimdi maquldaý protsedýrasy júredi. Eger nesıe maquldansa, kepilhat beriledi. Tutynýshy kepilhatty alyp, avtosalonǵa keledi. Osydan keıin ǵana kólikti onyń atyna rásimdeý bastalady», - dedi Rınat Gapparov.

Aıta keteıik, búgin Qazaqstanda 4 paıyzdyq jeńildetilgen avtonesıe berý bastaldy.



Avtor Esimjan Naqtybaı
Basty sózder: Qoǵam, Kólik, Nesıe,
Joǵary qaraı