Aýa raıy
Astana 7 °S
Almaty 21 °S
valıýta baǵamy
USD 421.58
EUR 496.83
RUB 5.53
CNY 62.20

Jeńis Qasymbek: daǵdarys ortalyqtary ár qalada jáne aýdanda bolýy tıis

2020 jyldyń 8 tamyz 2020 13:30

QARAǴANDY. QazAqparat - Qaraǵandy oblysynyń ákimi turmystyq zorlyq-zombylyqtyń aldyn alýdy kúsheıtýdi jáne keshendik baǵdarlamany ázirleýdi talap etti, dep habarlaıdy QazAqparat óńir basshysynyń resmı saıtyna silteme jasap.

Jeńis Qasymbek daǵdarys ortalyqtaryn kóbirek ashý qajet dep sanaıdy. Áıelder men balalardy otbasylyq janjalqoıdan jáne qylmystyq ozbyrlyqtan qorǵaý úshin júıelik sharalar qajet.

Osy máseleniń kúrdeli jaqtary Zoom platformasyndaǵy otyrysta talqylandy.

Polıtsııa departamentiniń bastyǵy Erlan Faızýllınniń aıtýynsha, karantın kezeńinde adamdar uzaq ýaqyt oqshaý ómirdi bastan keshedi. Bul kúızelis týdyrady jáne ozbyrlyqqa ıtermeleıdi. Turmystyq zorlyq-zombylyq faktilerine sonymen birge ishimdikti shamadan tys qoldaný da ákeledi, dep atap ótti vedomstvo basshysy.

Aıta keter jaıt, ómirdegi qıyn jaǵdaıda qalǵan adamdar úshin daǵdarys ortalyqtary ashylǵan. Búginde oblysta olardyn sany 10-ǵa jetti.

- Halyqty áleýmettik qorǵaý salasynda áleýmettik tapsyrys sheńberinde úkimettik emes sektormen birlesken jumystar júrgizilýde. 2017 jyldan bastap QR Eńbek jáne halyqty áleýmettik qorǵaý mınıstrligi adamdardy satý qurbandaryna arnaıy áleýmettik qyzmetter kórsetýge qarajattar bóledi, - dep málimdedi Jumyspen qamtý jáne áleýmettik baǵdarlamalar basqarmasynyń basshysy Asem Djýnýspekova.

Ol osy jyly eki qoǵamdyq birlestik – «Qaısar» jáne «Qaıyrymdylyq álemi» qorymen sharttar jasalǵanyn jetkizdi.

Qaraǵandydaǵy daǵdarys ortalyqtarynyń jumysyn jańǵyrtý máselesi sheshildi. Qala bıýdjetinen qarajattar bólindi. Qazirgi ýaqytta baıqaý resimderi ótkizilýde.

- Daǵdarys ortalyqtary árbir qalada jáne aýdanda bolýy tıis. Olardyń turaqty jumysyn qamtamasyz etý qajet. Taldaý jasaýdy jáne úsh jyldyq kezeńdi qarjylandyrýmen anyqtaýdy tapsyramyn. Bul sonshalyqty úlken soma emes, – dep atap ótti Jeńis Qasymbek. – Balalarymyzdyń qaýipsizdigin qamtamasyz etý – bizdiń basty mindetimiz. Aldyn alý sharalary qajet. Kúshterdi shoǵyrlandyrý kerek barlyq problemaly ýchaskelerdi bilemiz ǵoı. Jumyssyz júrgen jastardyń, jasóspirimderdiń nemen kóńilderin aýlaý kerektigine naqty usynystar berińder.

Oblys ákimi ata-analarmen onlaın-jumystardy uıymdastyrýdy da tapsyrdy. Pedofılııa úshin jazasyn ótegen bostandyǵynan aıyrý bosaǵandardy baqylaýdy kúsheıtýdi talap etti.

- Turmystyq zorlyq-zombylyqtyń aldyn alý júıelik bolýy tıis. Munymen jaǵdaıdan jaǵdaı bolǵanda ǵana emes, únemi aınalysý kerek, – dep málimdedi Jeńis Qasymbek.


Basty sózder: Qoǵam, Ákimdik, Qaraǵandy oblysy,
Joǵary qaraı