Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jeńis Qasymbek Qaraǵandy oblysynyń qoǵamdyq keńesi aldynda esep berdi

2021 jyldyń 21 qyrkúıek 2021 20:26

QARAǴANDY. QazAqparat – Qaraǵandy oblysynda áleýmettik-ekonomıkalyq damýdyń barlyq kórsetkishteri boıynsha oń dınamıka baıqalady.

Jyl sońyna deıin 14 jańa óndiris iske qosylyp, eki myńǵa jýyq jańa jumys orny ashylady der josparlanýda. Turǵyn úı qurylysy ósýiniń arqasynda kezekte turǵandar qatarynan úsh myńǵa jýyq otbasy pátermen qamtamasyz etiletin bolady, dep habarlaıdy QazAqparat tilshisi.

Óńir basshysy Jeńis Qasymbek Qoǵamdyq keńestiń onlaın-otyrysynda jumys nátıjeleri men júktelgen mindetterdiń oryndalýy týraly esep berdi.

«Jalpy, óńir ekonomıkasynda oń dınamıka qamtamasyz etildi. 8 aıdyń qorytyndysy boıynsha saýda-sattyq – 8,9%-ǵa; paıdalanýǵa beriletin turǵyn úı kólemi – 19,9%-ǵa; aýyl sharýashylyǵy – 3,6%-ǵa senimdi ósim kórsetti. Ónerkásiptegi ósim 0,3%-dy, qurylysta – 2%-dy qurady. Investıtsııalar kólemi 470 mlrd teńgege deıin nemese 2020 jyldyń sáıkes kezeńine 105,4%-ǵa deıin ósti, bul rette 89,5% – jeke ınvestıtsııalar. Jyl sońyna deıin 230 mlrd. teńgeden astam somaǵa 14 jańa óndiris iske qosylyp, eki myńǵa jýyq jumys orny ashylady», – dep atap ótti oblys ákimi.




Oblysta pandemııa saldarynan bıznes birtindep qalpyna keltirilýde. Buǵan memlekettik qoldaý kómektesedi. «Bıznestiń jol kartasy – 2025» boıynsha qarjylandyrý 3,2 esege, «Qarapaıym zattar ekonomıkasy» boıynsha 2 esege ulǵaıdy.

Qurylys kólemi «Nurly jol», «Nurly jer», «Aýyl – El besigi», «Jumyspen qamtýdyń jol kartasy – 2020» memlekettik baǵdarlamalaryn iske asyrý esebinen ósýde. Bıylǵy jyly «Nurly jer baǵdarlamasy boıynsha keminde 662 myń sharshy metr turǵyn úı engizý josparlanýda.

Jol-kólik ınfraqurylymyn damytý jalǵasýda. Bıyl respýblıkalyq jáne jergilikti mańyzy bar 1500 shaqyrymnan astam avtomobıl joldary jóndeldi. «Aýyl – El besigi» arnaıy jobasy úlken demeý boldy, baǵdarlamanyń arqasynda 25 aýyl men kenttegi joldar retke keltirildi.




Áleýmettik sala da damyp keledi. Úsh aýysymdy jáne apatty mektepterdiń ornyna Qaraǵandy men Jezqazǵanda, Jańaarqa men Shet aýdandarynda tórt mektep salynýda. Bıýdjettik jáne bıýdjetten tys qarajat esebinen, onyń ishinde «Aýyl – El besigi» boıynsha 13 sport nysanynyń qurylysy júrgizilýde. Jaqyn arada Shahtınsk, Botaqara, Qarsaqpaı jáne Jezdi, Jańaarqa jáne Nura eldi mekenderinde alty jańa sport kesheni ashylady. Sondaı-aq, jańa sport alańdary, kópfýnktsıonaldy hokkeı korttary salynýda – barlyǵy 77 nysan. Buqaralyq sportty damytý úshin úsh myńǵa jýyq adamdy qamtıtyn qosymsha 94 sektsııa paıda boldy.

Memlekettik baǵdarlamalar boıynsha 21 myńnan astam jańa jumys oryndary quryldy, olardyń jartysy turaqty. Jumyspen qamtýǵa járdemdesý sharalarymen barlyǵy 75 myńnan astam adamdy qamtý josparlanyp otyr.

«Óte mazmundy esep. Óńirlik damýdyń barlyq baǵyttary boıynsha jaqsy kórsetkishter bar. Mysaly, ınvestıtsııalardyń ósýi qýantady – pandemııa jaǵdaıynda sheteldik kapıtaldy tartý ońaı emes. Shaǵyn jáne orta bıznesti qoldaý nátıjelerin, qazaqstandyq qamtýdy ulǵaıtý jónindegi jumystyń tıimdiligin atap ótken jón. Іri júıequraýshy kompanııalardyń tapsyrystarymen oblystyń 60 kásiporny qamtamasyz etildi. Biz qalalar men aýdandardyń turǵyndary qoıyp otyrǵan ózekti máseleler sheshilip jatqanyn kórip otyrmyz», – dep túsindirdi Qoǵamdyq keńestiń tóraǵasy Erqara Aımaǵambetov.


Joǵary qaraı