Aýa raıy
Astana 9 °S
Almaty 15 °S
valıýta baǵamy
USD 389.52
EUR 429.21
RUB 6.07
CNY 54.94

Jeńis Qasymbek Nur Otan partııasy Qaraǵandy fılıalynyń tóraǵasy bolyp saılandy

2019 jyldyń 20 qyrkúıek 2019 22:51

QARAǴANDY. QazAqparat - Qaraǵandy oblysynyń ákimi Jeńis Qasymbek Nur Otan partııasynyń Qaraǵandy oblystyq fılıalynyń tóraǵasy bolyp saılandy. Sheshim kezekten tys HHHІІІ partııalyq konferentsııada biraýyzdan qabyldandy, dep habarlaıdy QazAqparat oblys ákiminiń baspasóz qyzmetine silteme jasap.

Fılıaldyń jańa basshysyn Nur Otan partııasy Tóraǵasynyń birinshi orynbasary Baýyrjan Baıbek usyndy. Jeńis Qasymbek óńirlik jáne ortalyq deńgeıdegi jumys tájirıbesi bar jas basqarýshy retinde belgili, dedi ol.
Elbasy Nur Otan partııasynyń múshelerine halyqqa jaqyn bolý mindetin qoıdy, dep atap ótti Baýyrjan Baıbek. Halyq senimine ıe bolý úshin partııalyqtar qarapaıym adamdardyń máselelerin bilýi jáne sheshýi tıis. Partııa tóraǵasynyń birinshi orynbasary osyǵan deıin bul laýazymda bolǵan Erlan Qoshanovtyń jetistikterin atap ótip, onyń izbasaryna tabys pen jańa salada jemisti eńbek tiledi. Jeńis Qasymbek partııalastaryna oǵan osyndaı senim artqany úshin alǵysyn bildirdi. «Men úshin bul jańa syn. Partııa fılıalyn alǵash ret basqaraǵaly otyrmyn. Elbasynyń eńbek jolyn bastaǵan aımaqta jumys isteý – úlken qurmet. Men sizderdi Nur Otan partııasynyń Qaraǵandy fılıaly Memleket basshysy men Elbasynyń barlyq tapsyrmalaryn oryndaıdy dep sendirgim keledi. Óz tájirıbem men bilimderimdi qaraǵandylyqtardyń ıgiligi úshin qoldanamyn, olardyń ómirin jaqsartý jáne oblystyń damýy úshin bar kúsh-jigerimdi jumsaımyn dep ýáde etemin», - dedi óńir basshysy.


Joǵary qaraı