Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jeńis Qasymbek Prezıdenttik kadrlyq rezerv músheleriniń ıdeıasyn qoldanbaq

2021 jyldyń 27 tamyz 2021 16:38

QARAǴANDY. QazAqparat - Qaraǵandy oblysynyń ákimi Jeńis Qasymbek Prezıdenttik kadrlyq rezerv múshelerimen onlaın-kezdesý ótkizdi. Belsendiler óńirdi damytý boıynsha óz ıdeıalarymen bólisti. Birde-bir usynys nazardan tys qalǵan joq, dep habarlaıdy QazAqparat óńir basshysynyń resmı saıtyna silteme jasap.

- Rezervke 6000-nan astam qazaqstandyqtyń ishinen barlyǵy 300 adam kirdi. Onyń 41-i qaraǵandylyqtar. Bul biz úshin úlken maqtanysh. Búgin sizdermen kezdesip, ashyq dıalog ornatqanyma qýanyshtymyn, - dedi kezdesýdi ashqan Jeńis Qasymbek.

Moderator, Ulttyq qoǵamdyq senim keńesiniń múshesi Aleksandr Danılov pikirlesterdiń azamattyq ustanymyn atap ótti.

– Rezerv – bul taǵaıyndaýlar, memlekettik qyzmet jáne kvazımemlekettik uıymdar týraly ǵana emes. Bul, eń aldymen, qazaqstandyqtardyń ómirin jaqsy jaqqa ózgertý qundylyqtary týraly, - dep atap ótti ol.




Kezdesýde túrli taqyryptar qozǵaldy.

Aınagúl Abdrahmanova jastar jumyssyzdyǵynyń problemalary jáne NEET-jastardy qoldaý nusqalary týraly baıandady. «Jerdi qashyqtyqtan zondtaý negizinde jer qoınaýyn paıdalaný monıtorıngi» jobasyn Samat Ramazanov tanystyrdy.




- Bul ózekti taqyryp. Búgin paıdaly qazbalardy óndirý jabaıy tásildermen júrgizilýde, biraq onymen kúresýge bolady. Sonymen qatar, monıtorıng ádistemesi bıznesti tekserýge moratorııdi aınalyp ótýi múmkin, - dep sanaıdy baıandamashy.

Stanıslav Karımov memlekettik satyp alý kezinde standarttaý múmkindikterin paıdalanýdy usyndy. Azız Ysqaqov arnaıy ekonomıkalyq jáne ındýstrııalyq aımaqtardyń tıimdiligin arttyrý týraly oılaryn ortaǵa saldy.







Kezdesý qorytyndysy boıynsha jańa jáne paıdaly tájirıbelerdi birlesip engizý úshin Jol kartasyn ázirleý týraly sheshim qabyldandy. Jeńis Qasymbek rezervshilerge óńirdi turaqty negizde damytýǵa qatysýdy usyndy.





Joǵary qaraı