Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jeńis Qasymbek uıaly baılanys operatorlaryna birlesken Jol kartasyn ázirleýdi usyndy

2021 jyldyń 6 mamyr 2021 09:58

QARAǴANDY. QazAqparat – Qaraǵandy oblysynda 127 aýylda áli kúnge deıin sapaly ınternet baılanysy joq. Bul másele uıaly baılanys operatorlarymen bolǵan onlaın-keńes barysynda talqylandy, dep habarlaıdy QazAqparat.

Jıynǵa QR tsıfrlyq damý, ınnovatsııalar jáne aeroǵarysh ónerkásibi vıtse-mınıstri Ashat Orazbek qatysty. Keńeske qatysýshylar aýyldyq eldi mekenderdi ınternetpen qamtamasyz etý úshin iske asyrylǵan jáne josparlanǵan MJÁ jobalary týraly aıtyp berdi.

«Osy ýaqytqa deıin bul baǵytta birshama sharalar qolǵa alyndy. Soǵan qaramastan nátıje mardymsyz, 127 aýylda áli kúnge deıin sapaly ınternet baılanysy joq. Pandemııa kezinde aýyl mektepteriniń jartysyna jýyǵy qashyqtan oqytý múmkindigi bolmaǵan soń shtattyq rejımde jumys isteýge májbúr. Óńirlerge jumys saparlary kezinde men ózim baılanystyń joqtyǵynyń kýási bolyp júrmin. Kezdesýlerde turǵyndar joldardy jóndeýmen qatar, ınternetti de qoljetimdi etýdi suraıdy. Búginde bul ómirlik qajettilik», - dep atap ótti Jeńis Qasymbek.





Aımaq basshysy uıaly baılanys operatorlaryna birlesken jol kartalaryn ázirleýdi usyndy.

«Sizderdiń kompanııalaryńyzǵa ne baılanysty jáne bizden qandaı qoldaý qajet ekenin zerttep, jaýapkershilik aıasyn anyqtaımyz. Aı saıyn ne istelgenin, qandaı sebepterge baılanysty kidirister bolǵanyn jeke baqylaımyn», – dedi Jeńis Qasymbek.

Ashat Orazbek mınıstrlik tórt iri operator boıynsha taldaý jasaǵanyn habarlady. Onyń pikirinshe, kompanııalar ınfraqurylymdy paıdalanýda yntymaqtasýy kerek.








Joǵary qaraı