Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jeńis kúni: ShQO-da qutqarýshylar tyl ardagerin erekshe quttyqtady

2021 jyldyń 6 mamyr 2021 22:56

ÓSKEMEN. QazAqparat – Shyǵys Qazaqstan oblysynda qutqarýshylar tyl ardageri úıiniń terezesi aldynda kontsert uıymdastyrdy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, qutqarýshylar Uly Otan soǵysynyń tyl eńbekkeri Nına Samarkınany Jeńis kúnimen erekshe quttyqtady.

Tereze aldyna taban tiregen orkestr mýzykalyq kontsert uıymdastyrǵan.

«84 jastaǵy Nına Samarkınanyń densaýlyǵy jyl saıyn nasharlaı túsýde. Sondyqtan oǵan óz páteriniń balkonynan mýzyka tyńdaý yńǵaıly boldy. Tyl eńbekkeri soǵys kezinde Almatyda turǵan. Anasymen birge jaralanǵan sarbazdar jetkizilgen aýrýhanada jumys istedi. Ol sarbazdarǵa sý ákelip, bólme ishin jınastyryp, medıtsına qyzmetkerleriniń ótinishi boıynsha qajetti materıaldardy tasyp júrdi», - dep habarlady vedomstvo ókilderi.

Nına Kýzmınıchna 1947 jyly otbasymen Óskemenge kóship kelgen. Osy jerde mektep bitirdi.

Úlbi metallýrgııa zaýytynda jáne órt sóndirý bóliminde dıspetcher bolyp jumys istegen.

Tyl eńbekkeri kontsertti tamashalap, rıza boldy. Ótkendi esine alyp, kóz jasyna erik berdi.

Sondaı-aq kontsertti óńirdegi basqa ardagerler men tyl eńbekkerleri onlaın rejımde tamashalady.


Joǵary qaraı