Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Jeńisimdi qazaq eline arnaımyn» – «Slavıan bazary» halyqaralyq baıqaýynyń jeńimpazy

2021 jyldyń 19 shilde 2021 17:50

NUR-SULTAN. QazAqparat – Qazaqstandyq jas ánshi, «Slavıan bazary» halyqaralyq baıqaýynyń Gran-prı ıegeri Rýhııa Baıdúken jeńisten keıingi óz áserimen bólisti, dep habarlaıdy QazAqparat tilshisi.

«Kóńil kúıim keremet. Bul meniń eń alǵashqy úlken jeńisim jáne ony qazaq eline arnaımyn. Sebebi men otandastarymnyń qoldaýyn sezindim. Sonymen qatar osyndaǵy jergilikti halyq ta qoldaý kórsetti. Men ózim mýzykamen mektep jasynan bastap aınalysyp kelemin. Mektep bitirgen soń mýzykalyq kolledjge túsip, ony támamdap, qazir ulttyq óner akademııasynyń 3 kýrs stýdentimin. Aldaǵy maqsatym – óz ánderimdi oryndap, soǵan klıp túsirý. Sol sııaqty qazaqstandyq jáne sheteldik televızııalyq jobalarǵa qatysý. Sheteldik prodıýser nemese kompanııalardan usynys túsip jatsa, jumys isteýge ázirmin», - dedi jas ánshi Rýhııa Baıdúken ZOOM alańynda ótken baspasóz máslıhatynda.

Sondaı-aq, jerlesimiz, ánshi Dımash Qudaıbergen qoldaý kórsetkenin aıtyp ótti.

«Dımash Qudaıbergen baıqaýǵa deıin óz keńesterin berip, qoldaý kórsetti. Ásirese vokal jaǵynan súıemeldeý kórsetti. Baıqaý bastalǵan soń biz sóılespedik, óıtkeni ol tóreshi al men qatysýshymyn. Sondyqtan biz saıystyń ádil ótýin qaladyq»,- deıdi ol.

Buǵan deıin jerlesimiz Rýhııa Baıdúkenniń Vıtebskide ótken «Slavıan bazary» baıqaýynyń gran-prı júldesin jeńip alǵanyn habarlaǵan bolatynbyz.

14 memleketten kelgen qatysýshy slavıan elinen shyqqan kompozıtordyń týyndysyn slavıan tobyna jatatyn tildiń birinde orkestrdiń súıemeldeýimen oryndady. Baıqaý nátıjesinde qazaqstandyq Rýhııa Baıdúkenova Gran-prı ıegeri atanyp, «Altyn lıra» músinshesimen birge 20 myń AQSh dollaryna ıe boldy.

Aıta ketsek , «Slavıan bazary» halyqaralyq baıqaýynyń jeńimpazy Rýhııa Baıdúkendi Memleket basshysy Qasym-Jomart Toqaev arnaıy quttyqtady.

Odan bólek, jas ánshini jeńisimen e limizdiń Mádenıet jáne sport mınıstri Aqtoty Raıymqulova da quttyqtady.



Avtor Álı Ibraev
Basty sózder: Mádenıet, Belarýs,
Joǵary qaraı