Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jer komıssııasynyń tórtinshi otyrysynda qandaı sheshimder qabyldandy

2021 jyldyń 17 sáýir 2021 13:00

NUR-SULTAN. QazAqparat – QR Premer-Mınıstriniń orynbasary Eraly Toǵjanov Jer reformasy jónindegi komıssııanyń tórtinshi otyrysyn qorytyndylady, dep habarlaıdy QazAqparat.

Eraly Toǵjanov eki jumys toby engizgen usynystar boıynsha naqty sheshim qabyldaýdy surady jáne daýysqa saldy.

«Birinshiden, qazaqstandyqtarǵa jalǵa berýdi jańa merzimge uzartýǵa basymdyq quqyǵymen aýyl sharýashylyǵy jerlerin 49 jylǵa deıin uzaqmerzimdi jalǵa alý múmkindigin berý boıynsha tıisti zań normalaryna ózgerister men tolyqtyrýlar engizý usynylsyn.

Ekinshi, qazaqstandyqtarǵa aýyl sharýashylyǵy jerlerin jaldaý quqyǵyn memleketten satyp almaı ıelikten shyǵarý múmkindigin berý boıynsha normalaryn saqtap, tıisti zań aktilerine ózgerister men tolyqtyrýlar engizý usynylsyn.

Úshinshiden, QR Úkimetine eldi mekender aınalasynda jaıylymdar tapshylyǵy máseleleri boıynsha taldaý júrgizip, olardyń jetispeýshiligi problemalaryn sheshý usynylsyn.

Tórtinshiden, Jer kodeksiniń 50-babynyń 4-tarmaǵyndaǵy aýyl sharýashylyǵy maqsatyndaǵy jer ýchaskeleriniń shekti mólsherin belgileý normalaryn qarastyrýǵa baılanysty latıfýndısterdi boldyrmaý týraly usynys. Bul máseleniń zańnamada sheshimi bar bolǵandyqtan komıssııa qaraýynan alyp tastaýǵa usynys engizildi.

Besinshi, memlekettik organdardyń sheshimi boıynsha, ákimshilik shekaralar ózgergen jaǵdaıda jeke jáne zańdy tulǵalarǵa jer ýchaskelerin sáıkestendirý qujattaryn qaıta daıyndaý úshin bıýdjet qarajatyn kózdeıtin normany zańnamalyq túrde bekitý usynylsyn.

Altynshy, aýyl sharýashylyǵy jerlerin sýbarendaǵa berý qoldanystaǵy zańnamada qarastyrylmaǵanyna baılanysty, bul suraq komıssııanyń kún tártibinen alynsyn.

Bir apta sheńberinde jumys toptarynda osy máseleler talqylandy, oǵan bárińiz atsalystyńyzdar. Soǵan baılanysty sizderdiń kelisimderińiz boıynsha búgin osy máseleler komıssııa otyrysyna shyǵaryldy. Sondyqtan, daýys berýge bárińizdi shaqyramyn», - dedi E. Toǵjanov.

Komıssııa otyrsynda múshelerdiń kópshiligi daýys berdi, qarsy eshkim bolmady jáne tórt adam qalys qaldy.

«Sheshim qabyldandy. Aldymen bárińizge rahmet aıtqym kelip otyr. Ashyǵyn aıtqanda, búgin úlken mańyzdy sheshim qabyldandy. Búgingi qabyldanǵan sheshim jerdi ekonomıkalyq aınalymǵa engizýge tolyqtaı múmkindik berip otyr dep oılaımyn. Sony qoldaǵan, túsingen azamattar daýys berip qoldap otyr. Sondyqtan, elge, halyqqa kerek sheshimmen quttyqtaýǵa ruqsat etińizder», - dep qorytyndylady Eraly Toǵjanov.


Avtor Aıjan Serikjanqyzy
Basty sózder: QR Úkimeti, Jer máselesi,
Joǵary qaraı