Aýa raıy
Astana -6 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Jer úıdegi órt bir adamnyń ómirin qıyp ketti – ShQO

2020 jyldyń 22 qazan 2020 13:20

ÓSKEMEN. QazAqparat – Shyǵys Qazaqstan oblysy Shemonaıha aýdanynda jeke turǵyn úıde órt shyǵyp, 1 adam mert boldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 21 qazan kúni tańǵy saǵat 04: 37-de Verh-Ýba aýylyndaǵy Tsentralnaıa kóshesinde ornalasqan jer úıde órt shyqqany týraly habar kelip tústi.

«Oqıǵa ornyna órt sóndirýshiler kelip jetkende úıdiń dálizi men shatyryn sharpyǵan qyzyl jalynnyń jalpy aýdany 64 sharshy metrge jetken. Tilsiz jaýdy aýyzdyqtaý barysynda jatyn bólmeden 1952 jylǵy azamattyń máıiti tabyldy», - dep habarlady vedomstvo ókilderi.

Saǵat 06.03-te jalyn tolyqtaı aýyzdyqtaldy. Órttiń shyǵý sebebi – temeki shegý barysynda órt qaýipsizdigi erejelerin saqtamaýdan bolýy múmkin.

Aıta keteıik, jyl basynan beri Shyǵys Qazaqstanda otpen abaısyz áreket etýden 684 órt shyǵyp, 24 adam kóz jumǵan.


Joǵary qaraı