Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jer zańnamasyn buzǵandarǵa 219 mln teńge aıyppul salyndy

2022 jyldyń 25 mamyr 2022 13:47

NUR-SULTAN. QazAqparat – 2021 jyly jer zańnamasyn buzǵandarǵa 219 mln teńge aıyppul salyndy. Bul týraly Aýyl sharýashylyǵy vıtse-mınıstri Ábilhaıyr Tamabek aıtty, dep habarlaıdy QazAqparat tilshisi.

«Jergilikti atqarýshy organdardyń málimetterine sáıkes, 2021 jyly respýblıka boıynsha jerdiń paıdalanylýy men qorǵalýyn baqylaý jónindegi ýákiletti organdar jer zańnamasynyń saqtalýy turǵysynan 2 406 tekserý júrgizdi. Júrgizilgen tekserýler barysynda 1 111 zań buzýshylyq anyqtaldy, 1 072 jaǵdaıda jer zańnamasyn buzýshylarǵa jalpy somasy 219 mln teńgege aıyppul salyndy», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, 2021 jyly anyqtalǵan buzýshylyqtardyń 65,7 paıyzy jerge memlekettik menshik quqyǵyn buzýǵa, 1,9 paıyzy arnaıy belgilerdi joıýǵa, 8,6 paıyzy jerdi búldirýge, 5,3 paıyzy jer ýchaskelerin berý týraly ótinishterdi qaraýdyń belgilengen merzimderin buzýǵa, 18,5 paıyzy aýyl sharýashylyǵy jerlerin tıimsiz paıdalanýǵa nemese paıdalanbaýǵa, jerlerdi nysanaly maqsaty boıynsha paıdalanbaýǵa qatysty boldy.


Avtor Marlan Jıembaı
Basty sózder: QR AShM, Jer máselesi, quqyq,
Joǵary qaraı