Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jergilikti taýar óndirýshilerdi qoldaý qajet - Berdibek Saparbaev

2021 jyldyń 7 maýsym 2021 02:03

TARAZ. QazAqparat – Jambyl oblysynyń ákimi Berdibek Saparbaevtyń tóraǵalyǵymen ótken kezekti keńeste memlekettik satyp alýdaǵy qazaqstandyq qamtýdyń úlesin arttyrý máselesi saralandy, dep habarlaıdy QazAqparat tilshisi.

Memleket basshysy memlekettik organdardyń otandyq taýarlar men qyzmetterdi satyp alýǵa qarajattyń eń az bóligin jumsaıtynyn basa aıtqan bolatyn.

Osyny negizge alǵan oblys ákimi otandyq, onyń ishinde jergilikti jerdegi taýar óndirýshilerdi qoldaý qajettiligine aıryqsha toqtaldy.

Basqosýda kún tártibindegi másele boıynsha oblystyq «Atameken» kásipkerler palatasynyń dırektory Erkin Atymtaev baıandama jasady.

Onyń aıtýynsha, qazirgi tańda óńirlik deńgeıde jergilikti qamtý úlesin arttyrý boıynsha oblystyq komıssııa jumys isteýde.

Jyl basynan beri komıssııanyń 9 otyrysy ótip, oblystyq basqarmalar men Taraz qalasy jáne aýdandarǵa jumysty tıisti deńgeıde úılestirý jáne ýaqytyly aqparatty usyný týraly bir qatar tapsyrmalar júktelgen.

«Bıýdjettik baǵdarlamalar ákimshileriniń usynǵan esepterine sáıkes, «Qarapaıym zattar ekonomıkasy» salalaryna jatatyn ónerkásiptiń 8 baǵyty boıynsha jergilikti qamtý úlesin arttyrýǵa monıtorıng júrgizildi. Oǵan «Qurylys-montaj jumystary» jáne «Jumyspen qamtý jol kartasy» jobalary boıynsha satyp alynǵan qurylys materıaldarynyń eseptiligi de qosyldy. «Qarapaıym zattar ekonomıkasy» salalaryna jatatyn ónerkásiptiń 8 baǵyty boıynsha jergilikti taýarlardy satyp alý úlesi 41,8 paıyzdy quraıdy»,-dedi basqarma basshysy.

Memlekettik satyp alýdaǵy ózekti máselelerdiń biri – tapsyrys berýshilerdiń bir kózden tikeleı kelisim shart ornatyp, ST-KZ sertıfıkaty joq jetkizýshilermen jumys júrgizýi.

Óz kezeginde bul jergilikti qamtý úlesiniń kórsetkishiniń tómendeýine ákelip soǵýda.

Osy oraıda atalǵan basqarma basshysy bıýdjettik baǵdarlamalar ákimshileri mindetti túrde memlekettik satyp alý kezinde aldyn ala irikteý konkýrsy arqyly jarııalanǵanyn qadaǵalaý mańyzyn jetkizdi.

Sondaı-aq, jıynda qurylys basqarmasynyń basshysy Erlan Orynbaev sóz alyp, qurylys-montaj jumystaryndaǵy qazaqstandyq qamtýdyń jaı-kúıine toqtaldy.

Oblys ákimi tıisti esepterdi merziminde usynbaǵan basqarmalar men aýdandardyń jaýaptaryn tyńdady.

«Jergilikti qamtý máselesinde áli de bolsa júıeli jumys joq. Basqarmalar bir-birine siltep, naqty ispen eshqaısysy aınalysqysy kelmeıdi. Árbir qurylys nysany nazarǵa alynýy tıis. Olar qajetti materıaldardy qaıdan jetkizip otyr? Bul týraly konkýrstyń ereje-talaptaryna engizý kerektigin buǵan deıin de aıtqan bolatynmyn. Eger óńirimizde óndiriletin ónim bolsa, onda óz taýarlarymyzdy alýǵa kóńil bólgenimiz abzal. Jergilikti taýarlardyń úlesin kóbeıtý jolynda jumys jasaýǵa tıipiz jáne olardy óndeýshilerdi qoldaý qajet,,-dedi aımaq basshysy Berdibek Saparbaev.





Joǵary qaraı