Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jergilikti jerlerdegi bıliktiń tótenshe jaǵdaılarǵa daıyndyǵyna taldaý júrgiziledi – Asqar Ýmarov

2022 jyldyń 12 qańtar 2022 12:43

NUR-SULTAN. QazAqparat – Jergilikti jerlerdegi bıliktiń tótenshe jaǵdaılarǵa daıyndyǵyna taldaý júrgiziledi. Bul týraly búgin Úkimet otyrysynda QR Aqparat jáne qoǵamdyq damý mınıstri Asqar Ýmarov málim etti, dep habarlaıdy QazAqparat tilshisi.

«Mınıstrlik azamattyq qoǵam men sarapshylardyń qatysýymen QR Prezıdentiniń jańa saıası bastamalaryn keńinen taldaý uıymdastyratyn bolady. Sonymen qatar elimizdiń óńirlerinde azamattyq sektordyń qatysýymen saraptamalyq pikirtalastar, strategııalyq sessııalar men talqylaýlar serııasyn ótkizý josparlanǵan. Tutastaı alǵanda, ortalyq bılik jáne jergilikti halyq arasyndaǵy ózara is-qımyl kommýnıkatsııalyq arnalaryn kúsheıtý maqsatynda jergilikti jerlerdegi bıliktiń tótenshe jaǵdaılarǵa daıyndyǵyna, jergilikti atqarýshy organdar jumysyna taldaý júrgiziletin bolady», - dedi Asqar Ýmarov.

Onyń atap ótýinshe, quqyqtyq retteý tetikteri úkimettik emes uıymdar qyzmetiniń, sondaı-aq qoǵamdyq birlestikterdi memleketttik qoldaýdy qamtamasyz etýdiń erekshelikterin eskerýge tıis.

«Azamattyq qoǵamnyń damýyna jáne azamattyq bastamalardy iske asyrý múmkindigine oraı qosymsha qarqyndy quqyqtyq quraldar qajet. Ol úshin 2023 jyly qoldanystaǵy «Qoǵamdyq birlestikter týraly» zańnamǵa ózgerister engizý arqyly azamattardyń birlesý bostandyǵy quqyǵyn iske asyrý tetigin keńeıtý josparlanýda», - dedi mınıstr.


Joǵary qaraı