Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jetisaı aýdanynda 200 shaqyrymnan astam jol jóndeldi

2021 jyldyń 23 aqpan 2021 22:01

TÚRKІSTAN. QazAqparat - Byltyr Jetisaı aýdany boıynsha aýdandyq mańyzy bar avtomobıl joly men eldi mekenderge qarasty 53 kóshege orta jóndeý jáne 219 kóshege aǵymdaǵy (tas tóseý) jol jóndeý jumystary júrgizilgen.

Bul týraly QazAqparat Túrkistan oblysynyń Óńirlik kommýnıkatsııalar qyzmetine silteme jasap habarlaıdy.

Ondaǵy málimetterge qaraǵanda, aýdanda «Aýyl - El besigi» baǵdarlamasy aıasynda 15,2 shaqyrymdy quraıtyn 22 kóshege orta jóndeý, «Jumyspen qamtýdyń jol kartasy» baǵdarlamasy boıynsha 1,68 shaqyrymdyq 1 kóshege orta jóndeý jáne 3 kóshege jaıaý júrginshilerge arnalǵan jol salý jumystary júrgizilgen.

Sonymen qatar, oblystyq bıýdjet esebinen 185 kósheniń jol jóndelse, jergilikti bıýdjet esebinen 30 kóshege orta jóndeý jáne 34 kóshege aǵymdaǵy jóndeý (tas tóseý) jumystary júrgizildi. Sondaı-aq, jol qaýipsizdigin qamtamasyz etý maqsatynda 6 kóshe qıylysyna baǵdarshamdar ornatylyp, standartqa saı 9 jasandy jol kedergileri men 114 jol belgileri ornatyldy.




2020 jyly Jetisaı aýdanynyń jol salasyn damytýǵa jalpy 5 mlrd teńge qarjy baǵyttalǵan. Oǵan uzyndyǵy 31 shaqyrym - respýblıkalyq, 26,8 shaqyrym - oblystyq jáne aýdandyq mańyzy bar avtomobıl joldary men eldi mekenderge qarasty 50 kóshege ortasha, 218 kóshege aǵymdaǵy (tas tóseý) jóndeý jáne 5 kóshege jaıaý júrginshilerge arnalǵan jol salý jumystary júrgizilip, paıdalanýǵa berilgen.

«Bıyl Jetisaı aýdanynda «Aýyl – El Besigi» baǵdarlamasy boıynsha jalpy uzyndyǵy 18,1 shaqyrymdy quraıtyn 20 nysanǵa orta jóndeý jumystaryn júrgizý josparlanyp otyr. Oblystyq jáne jergilikti bıýdjet esebinen jalpy uzyndyǵy 25,7 shaqyrymdy quraıtyn 32 kóshege orta jóndeý jáne 13,2 shaqyrymdyq 24 kóshege aǵymdaǵy (tas tóseý) jol jóndeý jumystary júredi», - deıdi Jetisaı aýdany jolaýshylar kóligi jáne avtomobıl joldary bóliminiń basshysy Núrken Álmesh.


Basty sózder: Túrkistan oblysy, Jol, Qurylys,
Joǵary qaraı