Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Jetisaı aýdanynda COVID-19-ǵa shaldyqqan áıel deni saý bala dúnıege ákeldi

2020 jyldyń 15 tamyz 2020 15:33

JETІSAI. QazAqparat - Jetisaı aýdanynda COVID-19-ǵa shaldyqqan áıel deni saý bala dúnıege ákeldi, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Maqtaaral aýdanynyń turǵyny koronavırýs ınfektsııasynyń sımptomsyz túrimen dárigerler baqylaýynda bolǵan. Ol kórshi aýdan Jetisaı aýdandyq ortalyq aýrýhanasyna júktiligine qaraı jaǵdaıy kúrt nasharlap jetkizilgen. Dárigerler ana men bala ómirine de qaýip tóngenin aıtady. Der kezinde jasalǵan shuǵyl medıtsınalyq kómektiń arqasynda júkti áıel salmaǵy 3,2 keli deni saý ul balany dúnıege ákeldi.

«Kelinshektiń bul tuńǵysh sábıi. Kelinshektiń jaǵdaıy aýyrlyǵyna qaraı áreket jasap, aman-esen bosandyryp aldyq. Qazirde sábıdiń de, anasynyń da jaǵdaıy qanaǵattanarlyq», - deıdi Jetisaı aýdandyq aýrýhanasy perzenthana bóliminiń meńgerýshisi Aınagúl Ámireeva.

Álemdik deńgeıde qaýip tóndirip, adamzat balasynyń aldyn oraǵan aýrýǵa baılanysty jarııalanǵan tótenshe jaǵdaı men karantındik rejımge qaramastan dárigerlerdiń kásibıliginiń nátıjesinde jyl basynan beri Jetisaı aýdandyq perzenthanasynda 2 800 sábı dúnıege kelgen. Olardyń 50-i egiz bolsa, 400-ge jýyǵy ota arqyly bosandyrylǵan.



Joǵary qaraı