Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jetisaıda adam qaǵyp, oqıǵa ornynan qashyp ketken júrgizýshi ustaldy

2021 jyldyń 20 qańtar 2021 12:52

JETІSAI. QazAqparat – Túrkistan oblysyna qarasty Jetisaı aýdanynda jol apatyn jasap, oqıǵa ornynan qashyp ketken júrgizýshi ustaldy. Qaıǵyly oqıǵa túngi ýaqytta «Jetisaı-Maqtaly» tas jolynyń boıynda oryn alǵan, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, «Jetisaı – Maqtaly» baǵytyndaǵy joldyń 27/42 shaqyrymynda joldy kesip ótpek bolǵan er adamdy belgisiz kólik soǵyp ketken. Kólik tizgindeýshi oqıǵa bolǵan jerden boı tasalaǵan. Apat saldarynan jaıaý júrginshi oqıǵa ornynda kóz jumdy. Ol Shardara aýdanynyń turǵyny ekeni belgili boldy. Atalǵan jaıt Jetisaı APB SDTTBT-ne QR QK-niń 345-baby «Kólik quraldaryn júrgizýshi adamdardyń jol qozǵalysy nemese kólik quraldaryn paıdalaný erejelerin buzýy» jáne 347-baby «Jol-kólik oqıǵasy bolǵan jerden ketip qalý» boıynsha tirkelgen. Belgisiz máıitke qatysty sot-medıtsınalyq saraptama taǵaıyndalyp, tártip saqshylary jol apatyn jasaǵan júrgizýshini ustaý sharalaryn júrgizdi. Oqıǵa ornyn qaraý nátıjesinde adam qaqqan kóliktiń sur tústi «Neksııa» ekeni anyqtaldy. Júıeli jumystardyń arqasynda kináli júrgizýshiniń turǵylyqty mekenjaıy bir táýlikke jetpeı anyqtalyp, qolǵa tústi.

«Onyń qujattaryn tekserý kezinde, júrgizýshi kýáliginiń merzimi ótkeni jáne kólik ulynyń atynda tirkelgendigi anyqtaldy. Kólik aıypturaǵyna qoıylyp, júrgizýshi qamaýǵa alyndy. Qazirgi tańda tergep-tekserý amaldary júrgizilýde», delingen habarlamada.


Joǵary qaraı