Aýa raıy
Astana 31 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Jetisý jastary óńirdiń kórkem tabıǵatyn kórsete otyryp dombyrany nasıhattady

2020 jyldyń 5 shilde 2020 11:20

TALDYQORǴAN. QazAqparat - Jetisý jastary óńirdiń kórkem tabıǵatyn kórsete otyryp dombyrany nasıhattady, dep habarlaıdy QazAqparat tilshisi.

5 shilde - Ulttyq dombyra kúnine oraı Almaty oblysy jastar saıasaty basqarmasy qazaq halqynyń ulttyq brendine aınalǵan tól dombyrany nasıhattaý, Jetisýdyń kórkem tabıǵaty men dombyra ónerin ushtastyra otyryp, jastardyń boıyna otanshyl rýhty darytý maqsatynda Nurǵısa Tilendıevtiń «Álqıssa» kúıine beınebaıan túsirdi. Atalmysh beınebaıan tól ónerdi nasıhattaýdaǵy biregeı bastama bolyp tabylady. Jetisý jeriniń darabozy, ataqty kúıshi Nurǵısa Tilendıevtiń týyndysyn elimizge tanymal ónerpazdar oryndady. Olar: Erjan Esirkepuly - kúıshi, «Ulytaý» tobynyń eks-solısi, Jambyl atyndaǵy Qazaq Memlekettik fılarmonııasynyń solısi, Qazaqstan Jastar odaǵy syılyǵynyń laýreaty, QR Úkimetiniń «Daryn» Memlekettik jastar syılyǵynyń laýreaty, QR Mádenıet qaıratkeri. Nurken Nurǵalıuly Áshirov - kúıshi, Qazaqstannyń eńbek sińirgen qaıratkeri, QR Memlekettik stıpendııasynyń ıegeri, Tuńǵysh Prezıdent – Elbasy Qory syılyǵynyń laýreaty. Rústem Naýryzov - «Qazaq óneriniń qaıratkeri», Q.Baıseıitov atyndaǵy saz kolledjiniń ustazy, kúıshi, sazger, birneshe memlekettik dárejedegi baıqaýlardyń júldegeri. Ushqyn Jamalbek - ánshi, «Alashuly» tobynyń eks-solısi, sazger, kúıshi.

Beınejazbada Almaty oblysynyń Kólsaı, Qaıyndy kólderi, Aıǵaıqum, Sharyn shatqaly syndy kórikti jerlerinde dombyrashylardyń «Álqıssa» kúıin oryndaǵandary kórsetiledi.


Avtor Samal Qabysheva
Basty sózder: Dombyra, Almaty oblysy,
Joǵary qaraı