Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jezqazǵan óńirinde buryn belgisiz bolyp kelgen petroglıfter tabyldy

2021 jyldyń 14 qyrkúıek 2021 16:47

JEZQAZǴAN. QazAqparat – Jezqazǵan óńirinde eki kúndik «Bileýti-2021» tarıhı-tanymdyq ekspedıtsııasy aıaqtaldy. Onyń maqsaty – belgili bir aımaqty zertteý jáne jańa týrıstik marshrýt qurý bolyp tabylady, dep habarlaıdy QazAqparat tilshisi.

Ekspedıtsııaǵa qatysýshylar buryn zerttelmegen petroglıfter men taýdaǵy jumbaq áripterdi, kóp kameraly úńgir men jeztyrnaq tastaryn, jartastaǵy dóńgelek oıyqtardy – ejelgi metallýrgterdiń ázirlemeleriniń izderin tapty.




Jańa tarıhı oljalar esh jerde sıpattalmaǵan, olarǵa qazaqstandyq kórnekti ǵalymdar qyzyǵýshylyq tanytyp úlgerdi.

«Bizde kóptegen qyzyqty jáne zerttelmegen oryndar bar. Sondyqtan biz Jezqazǵan arheologııalyq murajaıymen birlesip, Bileýti ózeni men ataqty Bulandy shaıqasy bolǵan jer arasyndaǵy aýmaqqa shaǵyn ekspedıtsııa uıymdastyrýdy uıǵardyq. Onyń quramyna arheologtar, tarıhshylar, jolserikter, týrızm mamandary jáne t. b. kirdi», – dedi ekspedıtsııa jetekshisi, Jezqazǵan tarıhı-arheologııalyq murajaıynyń ǵylymı qyzmetkeri Keshýbaı Baıdildınov.







Bileýti ózeniniń mańynan saıahatshylar taý sýretteri bar jartastar men tastardy tapqan. Olar qara tastarǵa soǵylǵan jáne jaqsy saqtalǵan. Petroglıfterdiń basqa galereıasyn yntagerler Aqkıik degen jerden sur-kók tastardan tapty. Sondaı-aq ekspedıtsııa musheleri Malqar úńgirine bardy.







«Bir qyzyǵy, kireberiste túıelerdiń basyna uqsaıtyn eki tik tas tabyldy, olardyń maqsaty belgisiz. Úńgirdiń ózi bıik arkalarmen, kúrdeli ótkeldermen qyzyqty, olardyń keıbireýlerin tas basyp, úıip tasaǵan. Sondaı-aq, eki jerden petroglıfter tabyldy. Ekspedıtsııadan keıin murajaıda dóńgelek ústel ótkizdik.







Mamandar bul jer áli zerttelmegenin aıtty. Kelesi jyly biz zertteýdi jalǵastyramyz», – deıdi ekspedıtsııa jetekshisi.

Aldaǵy jyly ekspedıtsııa qatysýshylaryna Qazaqstannyń basqa murajaılarynan

tarıhshylar men arheologtar qosylýǵa daıyn.








Joǵary qaraı