Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jezqazǵanda 20 jas dáriger páter aldy

2021 jyldyń 21 maýsym 2021 22:38

JEZQAZǴAN. KazAqparat – Qaraǵandy oblysynyń Jezqazǵan qalasynda densaýlyq saqtaý salasynyń 20 jas qyzmetkerine páter kiltteri tabystaldy, dep habarlaıdy QazAqparat tilshisi.

Qala ákiminiń orynbasary Zına Aqylbekova kiltterdi tabystaý kezinde dárigerdiń jumysy – álemdigi eń mańyzdy ekenin atap ótti. Ol aq halattylarǵa myqty densaýlyq, isterine tabys jáne otbasylaryna amandyq tiledi.

«Senim» kásipodaq uıymy merekelik quttyqtaý estafetasyna qosylyp, jańa qonystanýshylarǵa qysqatolqyndy peshter syılady.

Budan bólek, Jezqazǵan qalasynyń medıtsına qyzmetkerleri «Densaýlyq saqtaý isine qosqan úlesi úshin», «Altyn dáriger», «Kásibı jetistikteri úshin» jáne «Meıirim» tósbelgilerimen marapattaldy. Óz jumysyna adal nıetpen qaraǵan qyzmetkerlerge QR Densaýlyq saqtaý mınıstriniń, Qaraǵandy oblysy Densaýlyq saqtaý basqarmasynyń, Qaraǵandy oblysy jáne Jezqazǵan qalasy ákimderiniń, «Qazaqmys» korporatsııasy« JShS janyndaǵy Nur Otan partııasy fılıalynyń Qurmet gramotalary tabys etildi. Sonymen qatar, densaýlyq saqtaý salasynyń 10 ókili Jezqazǵan ákiminiń 100 myń teńge kólemindegi syılyǵyna ıe boldy.

Aıta keteıik, medıtsına mamandaryna baspana «Qazaqmys« korporatsııasynyń demeýshilik kómegimen alyndy.


Joǵary qaraı