Aýa raıy
Astana -9 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

JITS-tiń emi joq, sondyqtan onyń aldyn alý kerek – Jumabek Bekenov

2020 jyldyń 2 jeltoqsan 2020 18:38

NUR-SULTAN. QazAqparat – Eshbir elde aýrýdy jeke-dara jeńý múmkin emes, sebebi bári bir-birimen baılanysty.

Bul týraly Ortalyq kommýnıkatsııalar qyzmetinde ótken onlaın brıfıngte QR Densaýlyq saqtaý mınıstrliginiń Qoǵamdyq densaýlyq saqtaý ulttyq ortalyǵy Juqpaly aýrýlardyń aldyn-alý departamentiniń dırektory Jumabek Bekenov aıtty, dep habarlaıdy QazAqparat tilshisi.

«Jahandyq Yntymaqtastyq. Ortaq jaýapkershilik» degenge medıtsına salasynyń qatysyn aıtatyn bolsaq: AIV nemese JITS-pen aýyrǵan adamdardyń belsendiligin arttyrý, olardyń quqyqtaryn qorǵaý, olardy kemsitýge jol bermeý jáne olardy aqparatpen tolyq qamtamasyz etýge jumys isteýimiz kerek. Túpkilikti jaqsy nátıjege jetý úshin barlyq adamdardy qamtamasyz etýimiz kerek. Munyń dáleli – elimizde júrip jatqan koronavıýrs ınfektsııasy. Eshbir elde bul aýrýdy jeke-dara jeńý múmkin emes, sebebi bári bir-birimen baılanysty», - deıdi QR DSM QDSUO juqpaly aýrýlardyń aldyn-alý departamentiniń dırektory Jumabek Bekenov.

Onyń aıtýynsha, endigi mindet – dúnıejúzi boıynsha aýrýdyń aldyn alý jumystaryn bir júıe boıynsha júrgizý.

«Bul aýrýdyń emi joq, sondyqtan aýrýdyń aldyn alý jumystary birinshi kezekte turady. Elimizdegi medıtsına qyzmetkerleri jyl saıyn halyqqa qyzmet kórsetý sapasyn artyrý jolynda jumys istep jatyr jatyr», - deıdi ol.


Joǵary qaraı