Aýa raıy
Astana 2 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Joǵarǵy sottyń sýdıasy laýazymyna kandıdat irikteýde qazaqstandyqtardyń pikiri eskeriledi

2020 jyldyń 3 tamyz 2020 20:50

NUR-SULTAN. QazAqparat - Sýdıalyq laýazymdarǵa kandıdattardy irikteý kezinde qazaqstandyqtardyń pikiri eskeriletin bolady. Bul týraly QR Joǵarǵy sot keńesiniń baspasóz qyzmeti taratqan aqparattan málim boldy, dep habarlaıdy QazAqparat tilshisi.

«Joǵarǵy sot keńesi qazaqstandyqtardy Joǵarǵy sot sýdıalar laýazymdaryna kandıdattar týraly pikir bildirýge shaqyrady. Bul kadrlardy irikteýdiń barynsha obektıvtiligi men ashyqtyǵyn qamtamasyz etý maqsatynda júrgizilip otyr. Joǵarǵy sot keńesi qazirgi ýaqytta Joǵarǵy mot sýdıalarynyń 2 bos laýazymdaryna konkýrs ótkizip jatyr», delingen habarlamada.

Іrikteý barysynda úmitkerlerdiń kásibı jáne jeke qasıetteri zerdelenip, olardyń qabiletteri men daǵdylary baǵalanady.

«Árbir úmitkerden Keńes músheleri suhbat alady, oǵan advokatýra, prokýratýra ókilderi, ózge de zań qaýymdastyǵynyń ókilderi, sondaı-aq HR-mamandar qatysady. Sonymen qatar, árbir qazaqstandyq naqty úmitker týraly óz pikirin bildire otyryp, kandıdattardy irikteý protsesine qatysa alady. Ol úshin v.sovet@vss.gov.kz Keńestiń elektrondyq poshtasyna tıisti hatty 13 tamyzdan keshiktirmeı jiberý qajet», delingen habarlamada.

Joǵarǵy sot sýdıalary laýazymdaryna ornalasýǵa arnalǵan konkýrsqa qatysatyn úmitkerler tizimi keńestiń saıtynda berilgen.


Basty sózder: QR Joǵarǵy soty, Sot,
Joǵary qaraı