Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Joǵary bilimi joq 18 myńnan astam jas tegin oqyp, mamandyq alyp shyqty

2020 jyldyń 13 qazan 2020 13:10

NUR-SULTAN. QazAqparat - «Eńbek» memlekettik baǵdarlamasy sheńberinde 9-11 synyptan keıin oqý oryndaryna túspegen 18,4 myń mektep túlegine, sondaı-aq kásiptik bilimi joq jastarǵa, onyń ishinde jetimderge, múmkindikteri shekteýli adamdarǵa, kópbalaly jáne tabysy az otbasy múshelerine eńbek naryǵynda suranysqa ıe mamandyqtardy tegin meńgerýge múmkindik berildi. Bul jóninde Eńbek jáne halyqty áleýmettik qorǵaý mınıstrligine silteme jasap QazAqparat habarlaıdy.

«Barshaǵa arnalǵan tegin kásiptik tehnıkalyq bilim» jobasy 2017 jyldan bastap iske asyrylýda jáne ol 2021 jylǵa deıin eseptelgen.

2020 jylǵy 1 qyrkúıekten bastap oqýǵa 18 myńnan astam jas jiberildi, onyń ishinde 9-synyp bazasynda – 14,2 myń adam, 11-synyp bazasynda – 4,2 myń adam. Onyń ishinde 4,9 myń adam – kópbalaly otbasy músheleri, 5,3 myń adam – tabysy az otbasy músheleri, 1,3 myń adam – ótken jyldardyń túlekteri, 414 jetim, 233 múgedek jáne 6,3 myń adam – basqa sanattaǵy jastar (jumyssyzdar, ınternattyq uıymdardyń tárbıelenýshileri, NEET sanatyndaǵy jastar).

Kadrlardy daıarlaý tehnıkalyq jáne kásiptik, orta bilimnen keıingi bilimniń mamandyqtary men biliktilikteriniń synyptaýyshyna sáıkes oqytý merzimderi men bilim berý deńgeıleri boıynsha biliktilikter men mamandyqtar tizbesi negizinde aıqyndalǵan 171 biliktilik boıynsha 370 TjKB uıymynda júzege asyrylady.

TjKB bar kadrlardy daıarlaýdyń uzaqtyǵy bilim baǵdarlamalarynda kórsetilgen merzimderge sáıkes tańdalǵan mamandyq pen biliktilikke baılanysty (3 jylǵa deıin).

Qatysýshylar tizimin jumyspen qamtýdy úılestirý jáne áleýmettik baǵdarlamalar basqarmalarynyń, «Atameken» óńirlik kásipkerler palatasynyń ótinimderi negizinde 2 062 mobıldik top qalyptastyrdy.

Kadr daıarlaýda energetıka, qurylys, kólik, montajdaý, paıdalaný jáne jóndeý salalary boıynsha, aýyl sharýashylyǵy, baılanys, telekommýnıkatsııa, aqparattyq tehnologııalar, servıs jáne basqa baǵyttar boıynsha júzege asyrylady.

Joba sheńberinde TjKB-men kadrlardy daıarlaýdaǵy basty ereksheligi aqysyz usynylatyn bilim berý, kadrlardy daıarlaýdyń dýaldy modelin paıdalaný bolyp tabylady, oqytý tek jumys biliktilikteri men mamandyqtary boıynsha júzege asyrylady, sondaı-aq barlyq qatysýshylardy 21 787 teńge mólsherindegi stıpendııamen, bir rettik tamaqpen jáne jol júrýmen qamtamasyz etedi.

Daıyndalatyn kadrlardyń básekege qabilettiligi men sapasyn arttyrý úshin oqytý 40% teorııalyq sabaqtardan, al 60% óndiristik praktıkadan turady. Ol úshin bilim berý uıymdary iri kásiporyndarmen jáne uıymdarmen sharttar jasasady.

Óz kezeginde kásiporyndar Baǵdarlamaǵa qatysýshylarǵa jumys oryndaryn usynady jáne olarǵa tálimgerler bekitedi.

Oqý aıaqtalǵannan keıin túlekterge jumyspen qamtýǵa járdemdesý sharalary kórsetiledi. Ol úshin bilim berý uıymdary oqýdy aıaqtaǵandardyń tizimin halyqty jumyspen qamtý ortalyqtary men «Atameken» ÓKP-ǵa jiberedi.

Budan basqa, baǵdarlamaǵa qatysýshylar oqýdan keıin 200 AEK mólsherinde bıznes-ıdeıalardy iske asyrýǵa memlekettik granttar alýǵa quqyly.


Joǵary qaraı