Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jol talǵamaıtyn kólikpen 32 qoıdy qaqqan júrgizýshi ustaldy

2022 jyldyń 21 mamyr 2022 10:53

TALDYQORǴAN. QazAqparat - Almaty oblysynda Toyota Land cruser Prado kóliginiń júrgizýshisi bir mezette 32 qoıdy qaqqan. Oqıǵa Aqsaı-Shonjy-Qaljat tas jolynda bolǵan dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, jol-kólik oqıǵasy tańǵy 07-ler shamasynda bolǵan. Júrgizýshi qatty jyldamdyqpen kele jatyp jolǵa shyqqan bir otar qoıdy baıqamaı qalǵan. Sondaı aq ol oqıǵa ornynan boı tasalamaq bolǵan.

Kúdikti jyldam tabyldy. Sondaı-aq onyń 2018 jyly júrgizýshi kýáliginen aırylǵany belgili boldy. Uıǵyr aýdandyq soty ony kináli dep taýyp, 25 kúnge qamap 9 jylǵa kólik júrgizýge tyıym saldy. Júrgizýshi óz kinásin moıyndap shyǵyndy ótep berýge kelisimin berdi.

«Kólikti 25 jastaǵy Talǵar aýdanynyń turǵyny júrgizgen. Onyń mashınany ishimdik iship júrgizgeni arnaıy medıtsınalyq tekserý arqyly dáleldendi. Atalǵan faktige sáıkes Ákimshilik kodekstiń 608 jáne 610 baptary boıynsha hattama toltyrylyp, júrgizýshi ýaqytsha ustaý ızolıatoryna qamaýǵa alyndy»,- delingen Almaty oblystyq Polıtsııa departamenti baspasóz qyzmetiniń habarlamasynda.


Avtor Samal Qabysheva
Basty sózder: Kólik, Jol, Oqıǵa, Aımaq, Almaty oblysy,
Joǵary qaraı