Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jol jabylǵanda blokposty aınalyp ótýge tyryspańyz – ıÝrıı Ilın kún raıy buzylatynyn eskertti

2021 jyldyń 2 naýryz 2021 12:32

NUR-SULTAN. QazAqparat – QR Tótenshe jaǵdaılar mınıstri ıÝrıı Ilın jolǵa shyǵatyn azamattarǵa joldardyń jabylýy týraly habarlamalarǵa qulaq asýdy eskertti, dep habarlaıdy QazAqparat tilshisi.

Qazirgi ýaqytta aýa raıynyń nasharlaýyna baılanysty úsh óńirde – Almaty, Aqtóbe jáne Shyǵys Qazaqstan oblystaryndaǵy jol ýchaskeleri jabyldy. 2 naýryzdaǵy jaǵdaı boıynsha toǵyz aımaqta daýyldy eskertý jarııalanǵan.

«Ótken aptada aýa raıy nasharlady, kóptegen joldar jabyldy. Qazirgi ýaqytta toǵyz aımaq boıynsha daýyl týraly eskertý aldyq. Úsh aımaqta jol ýchaskeleri jabyldy. Sondyqtan, azamattardyń joldyń jabylǵany týraly aldyn ala jiberilgen eskertýdi elemeı, respýblıkalyq jáne oblystyq mańyzy bar joldarǵa ornatylǵan blokposttardy aınalyp ótýge tyryspaýyn aıtqym keledi. Qysqy kezeń kúntizbelik túrde aıaqtaldy, biraq meteojaǵdaılar Qazaqstannyń ortalyq bóliginde mol jaýyn-shashyn jaýatyn jáne jel jyldamdyǵy artatyn jańa tsıklon kele jatqanyn kórsetedi. Tıisinshe, bul qardyń kóptep túsýine jáne TJ paıda bolýyna ákep soǵýy múmkin», - dedi mınıstr Ortalyq kommýnıkatsııalar qyzmetinde ótken brıfıngte.

Mınıstrdiń aıtýynsha, qys mezgiliniń basynan beri Qazaqstan aýmaǵynda myńnan astam daýyldy eskertý jarııalanǵan, avtojol ýchaskeleri (onyń ishinde respýblıkalyq jáne oblystyq) 680-nen astam ret jabylǵan, júk jáne jolaýshylar avtokólikteriniń qozǵalysy 230-dan astam ret shektelgen.

«1242 adam qutqarylyp, evakýatsııalandy. Ol úshin 90-nan astam jylytý pýnkti iske qosylyp, 400-den astam tehnıka qar qursaýynan shyǵaryldy, avarııalyq-qutqarý jumystaryna 5 myńnan astam adam men myń tehnıka jumyldyryldy», - deıdi ıÝ. Ilın.


Joǵary qaraı