Aýa raıy
Astana 24 °S
Almaty 26 °S
valıýta baǵamy
USD 405.69
EUR 455.51
RUB 5.72
CNY 57.42

JOO bitirgen aýyl sharýashylyǵy mamandary keminde 3 jyl aýylda jumys isteýi tıis - Tóleýtaı Raqymbekov

2019 jyldyń 11 qarasha 2019 15:08

NUR-SULTAN. QazAqparat - Ortalyq kommýnıkatsııalar qyzmeti alańynda ótken brıfıngte «Ulttyq agrarlyq ǵylymı-bilim berý ortalyǵy» KEAQ basqarma tóraǵasy Tóleýtaı Raqymbekov agrarlyq salanyń ózekti máseleleri týraly aıtty, dep habarlaıdy QazAqparat tilshisi.

«Qazaqstan Respýblıkasynyń keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly» QR Zańynda aýyl sharýashylyǵy maman-túlekteriniń tizimin keńeıtý bóliginde «Bilim týraly» QR Zańyna ózgerister engizildi. Olar menshik nysanyna qaramastan, aýyldyq jerde ornalasqan agrarlyq mekemelerde keminde 3 jyl jumys isteýi tıis jáne jumys isteý óńirin anyqtaý boıynsha shekteýlerdi joıý qarastyrylǵan. Atalǵan ózgerister aýyl sharýashylyǵy mamandyqtary boıynsha oqýdy támámdaǵan aýyl turǵyndary qataryndaǵy azamattarǵa kvotamen jumysqa ornalasýǵa jáne óńirlerdi AÓK kásibı kadrlarymen qamtamasyz etý deńgeıin arttyrýǵa múmkindik beredi», - deıdi Tóleýtaı Rahymbekov.

Sondaı-aq, basqarma tóraǵasy aýyl sharashylyǵy mamandyǵynda oqıtyn jastardyń oqýlyǵy 70-80% memlekettik tilde daıyndalatynyn aıtty.

«Men 1986 jyly Almaty aýyl sharýashylyǵy ınstıtýtyn bitirdim. Ol kezde bir topta 25 stýdent bolsa, jartysy aǵylshyn tilinde, jartysy qazaq tilinde oqıtyn, al jalpy lektsııalar orys tilinde ótetin. Qazirgi ýaqytta dárister 70-80% ana tilimizde ótedi», - deıdi ol.

Joǵary qaraı