Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

JOO túlekterin eńbekpen qamtý jónindegi komıssııa formaldy túrde jumys isteıdi – BǴM

2022 jyldyń 24 mamyr 2022 12:29

NUR-SULTAN. QazAqparat – Elimizdegi joǵary oqý ornyndarynyń 60 paıyzy memlekettik tilde bilim beredi. Bul týraly Bilim jáne ǵylym vıtse-mınıstri Qýanysh Erǵalıev málim etti, dep habarlaıdy QazAqparat tilshisi.

«Búginde elimizde 120 joǵary oqý orny bar. Olardyń 60 paıyzy qazaq tilinde, 26 paıyzy orys tilinde jáne 6 paıyzy aǵylshyn tilinde bilim beredi. Atalǵan bilim oshaqtarynda 36 378 professor dáris berip jatyr. Bıyl 155 694 stýdent joǵary oqý ornyn támamdaıdy. Búginde grantpen oqyǵan túlekterdi jumyspen qamtý normasy bekitilgen. Ol úshin bilim týraly zańǵa birqatar ózgeris engizildi. Endi túlekterge memlekettik mekemelerde ǵana emes, jeke uıymdarda da jumys isteýge múmkindik berilip otyr. Túlekterdi eńbekpen qamtý úshin 55 JOO-da mansaptyq jáne kásibı damytý ortalyqtary jumys isteıdi», - dedi Qýanysh Erǵalıev mınıstrlikte ótken apparattyq jınalysta.

Sondaı-aq, spıker oqý bitirgen túlekterge qatysty birqatar problemany alǵa tartty.

«JOO-daǵy túlekterdi eńbekpen qamtý jónindegi komıssııalardyń formaldy túrde jumys isteıtinin aıtyp ótken jón. Bul - ýnıversıtetterdiń jergilikti ákimdermen baılanysynyń álsizdigi. Sol sııaqty, túlekterdi jumyspen qamtýǵa arnalǵan sharalardyń jetkiliksizdigi. Sonymen qatar jumys berýshilerdiń túlekterdi praktıka men jumysqa ornalastyrý sharalaryna qatysýynyń tómendigin kórsetip otyr», - deıdi ol.


Joǵary qaraı