Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jumys berýshiler vaktsına almaǵandardy jumystan ótemaqysyz shettete alady - Bas eńbek ınspektory

2021 jyldyń 22 qazan 2021 13:12

NUR-SULTAN. QazAqparat – Jumys berýshiler vaktsına almaǵandardy jumystan ótemaqysyz shettete alady. Ortalyq kommýnıkatsııalar qyzmetinde ótken brıfıngide QR Bas memlekettik eńbek ınspektory Tólegen Ospanqulov osyndaı málimet aıtty, dep habarlaıdy QazAqparat tilshisi.

«Vaktsınatsııa - qazirgi tańda óte ózekti másele bolyp otyr. Bizge óte kóp saýaldar kelip túsedi. Búgingi tańda Densaýlyq saqtaý mınıstrligi sanıtarlyq norma jarııalady. Dúısenbiden beri ol norma kúshine engen bolatyn. Sol normada jumys berýshi mindetti vaktsınatsııadan ótpegen adamdy jumysqa jibermeýi kerek ekeni jazylǵan. Mindetti vaktsına almaǵan adamdar PTR testiden ótýi kerek», - dep túsindirdi eńbek ınspektory.

Mamannyń aıtýynsha, bul – respýblıkalyq problema.

«Eńbek kodeksiniń talaptary boıynsha búgingi tańda jumys berýshiler respýblıkanyń nemese óńirdiń bas sanıtar dárigeriniń qaýlysy negizge ala otyryp, vaktsına almaǵan jáne PTR testiden ótpegen jumysshylardy eńbekke aralastyrmaý kerek. COVID-19-ben aýyrǵan adamdy jumysqa jibermeý kerektigi týraly tikeleı norma bolmaǵanymen, Eńbek kodeksiniń 48-babynyń 1-bóliginde zańnamalyq jáne memlekettik organdar shyǵarǵan aktiler negizinde eńbekten shekteýge jol beriletini aıtylǵan. ıAǵnı, Densaýlyq týraly kodeks boıynsha Bas sanıtar dárigerdiń qaýlysyn oryndaý mindetti. Sondyqtan qazirgi tańda jumys berýshiler vaktsına almaǵan jumysshylardy eńbekten shekteýge quqyly. Tipti jumystan shettetilgen ýaqytta aılyq tólemeı de shekteı alady. Biraq ekijaqty kelisim bolsa, aılyqtyń 50 paıyzyn nemese eń tómengi ebekaqy mólsherin tóleı alady. Biraq eki jaqtyń da kelisimi bolǵanda ǵana osylaı bolýy múmkin», - dedi Tólegen Ospanqulov.


Avtor Esimjan Naqtybaı
Basty sózder: Basqa memorgandar, Vaktsına,
Joǵary qaraı