Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jumys berýshiler vaktsınalanbaǵan qyzmetkerleri úshin qansha aıyppul tóleıdi

2021 jyldyń 3 tamyz 2021 19:27

NUR-SULTAN. QazAqparat – QR bas sanıtar dárigeriniń 14 shildedegi qaýlysynda kórsetilgen sanatqa jatatyn jumys berýshiler vaktsına almaǵan nemese 7 kún saıyn PTR-testileý arqyly saýlyǵyn dáleldemegen qyzmetkerlerdi shtattyq rejımde jumysqa jiberse, aıyppul arqalaýy múmkin, dep habarlaıdy QazAqparat tilshisi.

Ákimshilik quqyq buzý týraly kodekstiń 462-babynyń 3-bóligi men 425-babynda osyndaı normalar qarastyrylǵan.

Bas sanıtar dárigerdiń 14 shildedegi qaýlysy boıynsha jumysy halyqtyń shoǵyrlanýymen baılanysty qyzmet kórsetý nysandaryna qyzmetkerlerin 10 tamyzǵa deıin COVID-19-ǵa qarsy vaktsınanyń birinshi komponentimen, 1 qyrkúıekke deıin vaktsınanyń ekinshi komponentimen qamtamasyz etý júktelgen bolatyn.

Osy talapty oryndamaǵan jumys berýshiler Ákimshilik quqyq buzý týraly kodekstiń 362-babynyń 3-bóligi jáne 425-baby boıynsha jaýapqa tartylýy múmkin.

ıAǵnı medıtsınalyq qarsy kórsetilimi bolmasa da vaktsına almaǵan nemese 7 kún saıyn PTR-testileý arqyly óziniń vırýstan aman ekenin dáleldep otyrmaǵan adamdardy shtattyq rejımde jumysqa jiberse, 14 585 – 1 458 500 teńge aralyǵynda (5-ten 500 AEK-ke deıin) aıyppul arqalaıdy.

Aıyppuldyń mólsheri jumys berýshiniń mártebesine baılanysty ulǵaıyp otyrady. Bul atalǵan kodekstiń 462-babynyń 3-bóliginde kórsetilgen.

Atalǵan normada memlekettik baqylaý jáne qadaǵalaý organdarynyń, laýazymdy tulǵanyń óz quzyreti sheginde qoıǵan zańdy talaptaryn saqtamaǵan jumys berýshiniń, kásiporynnyń tutas nemese jeke qyzmetine berilgen ruqsattyń kúshi ýaqytsha toqtalýy múmkin ekeni aıtylǵan.

Al aıyppul kólemi kelesideı:

- jeke tulǵalarǵa – 5 AEK;

- laýazymdy adamdarǵa – 15 AEK;

- shaǵyn kásipkerlik sýbektilerine nemese kommertsııalyq emes uıymdarǵa – 100 AEK;

- orta kásipkerlik sýbektilerine – 200 AEK;

- iri kásipkerlik sýbektilerine – 500 AEK.


Joǵary qaraı