Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Jumyspen qamtý jol kartasy: Bıyl elordada 15 myń jumys orny ashylady

2020 jyldyń 11 shilde 2020 09:51

NUR-SULTAN. QazAqparat - Elorda ákimi Altaı Kólginov COVID-19-ǵa qarsy sharalardy kúsheıtý, jumys oryndaryn qurý, ShOB qoldaý, «Jumyspen qamtýdyń jol kartasy» jáne «Qarapaıym zattar ekonomıkasy» baǵdarlamalary boıynsha jobalardy júzege asyrý, qazynashylyq vekselder úlesin arttyrý jáne elordanyń basqa da máseleleri týraly qala aktıvimen kezdesti, dep habarlaıdy QazAqparat qala ákimdigine silteme jasap.

Máseleler egjeı-tegjeıli qarastyrylyp, Memleket basshysynyń keńeıtilgen otyrysta aıtylǵan baǵyttary boıynsha tapsyrmalar berildi.
Altaı Kólginov Covid-19 indetiniń taralýyn boldyrmaý jónindegi ýaqtyly sharalardy júzege asyrý, naýqastarǵa tıisti kómek kórsetý, medıtsına qyzmetkerlerin qoldaý jáne dárihanalardy dári-dármektermen qamtamasyz etý boıynsha jumystardy jandandyrý qajetin atap ótti.
Áleýmettik-ekonomıkalyq damýdyń negizgi kórsetkishteri boıynsha birinshi jartyjyldyqta oń dınamıka baıqalady.
Qala ákimdigi sheteldik ınvestıtsııalardy tartý jáne olarǵa jaǵdaı jasaý boıynsha júıeli jumystar júrgizýde. Bıyl birinshi jartyjyldyqtaǵy ınvestıtsııalar kólemi ótken jyldyń sáıkes kezeńimen salystyrǵanda 105%-ǵa ósip, 377 mlrd teńgege jetti.

Nur-Sultan ákimi ákimshilik kedergilerdi alyp tastap, joǵary tehnologııalyq jobalardy qoldaý qajet ekenin atap ótti. Mysaly, qoldaýǵa ıe jobalardyń ishinde lıftter, qurylys materıaldary, polıetılen qubyrlaryn shyǵaratyn zaýyttar, jıhaz shyǵaratyn fabrıka, kóterme saýda ortalyqtaryn, áleýmettik nysandar salý jáne t.b. turǵyndar men qala úshin qajet jobalar bar.
Jumyspen qamtýǵa qoldaý kórsetilýde – tek osy jyldyń ózinde «Jumyspen qamtý jol kartasy» baǵdarlamasy boıynsha 15 myń jumys orny ashylady. 6 myńnan astam adam jumyspen qamtý ortalyǵy arqyly jumysqa ornalastyryldy. Sonymen qatar ekonomıkanyń naqty sektorynda 12 myńnan astam jumys orny ashyldy. Jumyspen qamtýdyń keshendi josparyna sáıkes 20 myńnan astam jumys orny qurylady.
Bıyl qurylys jumystarynyń kólemi 121,5% qurady. Qalada 8 myń áleýmettik páter salynady. Halyqtyń áleýmettik osal toptary arasyndaǵy kezek aıtarlyqtaı azaıady. Birinshi jartyjyldyqta turǵyn úıdi paıdalanýǵa berý ótken jyldyń sáıkes kezeńimen salystyrǵanda 134%-ǵa artty.


Basty sózder: Jumyspen qamtý, Nur-Sultan,
Joǵary qaraı