Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Jumyspen qamtýdyń jol kartasy: 200 myńǵa jýyq adam jumysqa ornalasty

2020 jyldyń 15 qazan 2020 10:14

NUR-SULTAN. QazAqparat - Jumyspen qamtýdyń 2020-2021 jyldarǵa arnalǵan jol kartasy sheńberinde 6,6 myńnan astam jobany iske asyrý bastaldy, onda 130 myń teńgelik ortasha jalaqymen196 myń adam jumyspen qamtylǵan. Bul jóninde Eńbek jáne halyqty áleýmettik qorǵaý mınıstrligine silteme jasap QazAqparat habarlaıdy.

JQJK ınfraqurylym jobalaryn iske asyrý 4 negizgi baǵyt boıynsha ótedi:

– áleýmettik-mádenı nysandardy kúrdeli jáne aǵymdaǵy jóndeý, rekonstrýktsııalaý jáne salý;

– turǵyn úı-kommýnaldyq sharýashylyq nysandaryn kúrdeli, ortasha jáne aǵymdaǵy jóndeý, rekonstrýktsııalaý;

– ınjenerlik-kólik ınfraqurylymyn kúrdeli, ortasha jáne aǵymdaǵy jóndeý, rekonstrýktsııalaý jáne salý;

– eldi mekenderdi abattandyrý.

JQJK ınfraqurylymdyq jobalaryn iske asyrý kezinde otandyq óndirýshilerdiń keminde 90%-ynyń taýarlary men qyzmetterin qoldanýdy qamtamasyz etý erekshe shart bolyp tabylady.

Jumysshylardyń keminde jartysyn jumyspen qamtý ortalyqtary arqyly jaldaıdy, basymdyq jumyssyz jastarǵa beriledi. Merdigerler sanıtarlyq-epıdemıologııalyq sharalardy qoldana otyryp, qaýipsiz eńbek jaǵdaıyn qamtamasyz etýge tıis.

Baǵdarlamaǵa qatysýshylardyń jartysy - aýyl turǵyndary, 40% – jastar jáne 7% –tabysy az azamattar.

JQJK sheńberinde jumyspen qamtylǵandardyń eń joǵary úlesi Shyǵys Qazaqstan (20 myń adam nemese 106,2%), Qyzylorda (9,3 myń adam nemese 99,9%) jáne Atyraý (6,9 myń adam nemese 97,7%) oblystarynda.

Buǵan deıin habarlanǵandaı, JQJK aıasynda barlyǵy 255 myń jumys ornyn ashý josparlanýda. Bul rette JQJK jobalary bolashaqta 100 myńnan astam turaqty jumys ornyn ashýǵa negiz bolady.

Joǵary qaraı