Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jumyspen qamtýdyń jol kartasy: Alataý aýdanynda 15 joba júzege asyp jatyr

2020 jyldyń 23 qazan 2020 04:40

ALMATY. QazAqparat – Búgin Alataý aýdanynyń ákimi ekonomıkalyq-áleýmettik damýdyń 9 aıdaǵy kórsetkishteri týraly aıtty, dep habarlaıdy QazAqparat tilshisi.

Onyń aıtýynsha, aýdanda «Jumyspen qamtýdyń jol kartasy» aıasynda 15 joba júzege asyrylyp jatyr.

«15 jobaǵa 2 mlrd 800 mln aqsha bólingen. Bul qarajattyń barlyǵy ıgerildi. Atap aıtqanda, eki jasyl aımaq, 5 skver, 5 jaıaý júrgin aımaǵy, 22aýla, 18 balabaqsha jóneldi. Osy jobalardyń arqasynda 2070 adam jumyspen qamtyldy. Ásirese, halyq arasynda «Bıýdjetke qatysý» baǵdarlamasy boıynsha belsendilik óte joǵary. Bizde byltyr 3 joba tańdalǵan bolatyn. Bıyl 119 joba usynylyp otyr. Byltyr 3 jobaǵa 200 mln teńge bólinse, bıyl barlyq jobalardy júzege asyrýǵa 800 mln teńge qarajat qarastyrylyp otyr», - deıdi aýdan ákimi Azamat Qaldybekov.

«Bıýdjetke qatysý» baǵdarlamasy aıasynda «Shańyraq-1» shaǵyn aýdanynda balalar oıyn alańyn salýǵa JSQ ázirlendi. Qazirgi ýaqytta vedomstvodan tys saraptama júrgizý úshin qujattar daıyndalyp jatyr.

Sondaı-aq, Qarasý shaǵyn aýdanynda Uly Otan soǵysynyń batyrlaryna arnalǵan eskertkishke kúrdeli jóndeýge jobalyq-smetalyq qujattama ázirlenýde, JSQ ázirleý merzimi 2020 jylǵy 15 qarashaǵa josparlanyp otyr.

Sonymen qatar, Aqbulaq shaǵyn aýdanynda jasandy jabyny bar fýtbol alańynyń qurylysyna jobalyq-smetalyq qujattama ázirlenýde, JSQ ázirleý merzimi 2020 jyldyń 15 qarashasyna josparlanyp otyr.

Bıyl aýdanda 930 jer ýchaskesin zańdastyrý máselesi tolyq sheshilmegen bolatyn. Osy oraıda, qala Basshysynyń tapsyrmasymen 734 jer ýcheskesi zańdastyryldy. Qalǵan ýchaskeler Sý kodeksine ózgerister engizilgennen keıin sheshiletin bolady.

Ákimniń aıtýynsha, 13 shaǵyn aýdanda jańa jol qurylysy júrgizilip jatyr. Onyń ishinde byltyr 4,2 mlrd teńgege uzyndyǵy 32,7 shaqyrym bolatyn 4 shaǵyn aýdanda qurylys jumystary aıaqtaldy.

«Qalǵan shaǵyn aýdandar boıynsha 8 mlrd teńgege 75,5 shaqyrym jol qurylysyn tolyq aıaqtaý bıyl jyl sońyna deıin josparlanǵan. Aýdanda jyl basynan sýmen jabdyqtaý jáne káriz jelileriniń qurylysy júrgizilip keledi. Shapaǵat, Qarasý, Alǵabas (magıstraldyq jeliler), Ójet, Samǵaý, Aqbulaq, Boraldaı shaǵyn aýdandarynda (magıstraldyq jeliler) jalpy uzyndyǵy 199 shaqyrym jeli júrgizilýde. Oǵan 12 mlrd teńge qarastyrylǵan. Onyń ishinde sý – 108 shaqyrym, káriz - 91 shaqyrym.2020 jyly Almaty qalasynyń energotıimdilik jáne ınfraqurylymdyq damý basqarmasy Áıgerim-1, Alǵabas (taratý jelileri), Shańyraq-1, Terekti shaǵyn aýdandarynda sý qubyry 146,7 km, káriz qubyry 153,4 km káriz jelilerin júrgizýge jobalyq-smetalyq qujattama ázirledi. Memlekettik-jekelik seriktestik aıasynda aýmaqta 7800 oryndyq 5 mekteptiń qurylysy bastaldy. «Saıaly» shaǵynaýdanynda 1800 oryndyq, Tomırıs, Nurkent, Darhan, Rahat-Mádenıet shaǵyn aýdandarynda 1500 orynǵa arnalǵan mektepterdiń qurylysy júrgizilýde», - dedi ákim.

2020 jylǵy qańtar-tamyzda Alataý aýdanynda negizgi kapıtalǵa salynǵan ınvestıtsııalar 84,5 mlrd teńgege jetken. Bul byltyrǵy kezeńmen salystyrǵanda 167,7% qurady.

Jyl basynan beri ónerkásip kásiporyndarynda 2 499 jańa jumys orny quryldy.

Joǵary qaraı