Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jumyssyz retinde járdemaqy alýshylardyń kóbi – orta jastaǵy áıelder

2021 jyldyń 17 qyrkúıek 2021 14:03

NUR-SULTAN. QazAqparat – Eńbek resýrstaryn damytý ortalyǵynyń Strategııa jáne jobalyq basqarý departamentiniń dırektory Aleksandra Molchanovskaıa jumyssyz qazaqstandyqtyń negizgi sıpattaryn atady, dep habarlaıdy QazAqparat tilshisi.

«Búginde bizde ótinish bildirgen azamattardy jumysqa ornalastyrýmen aınalysatyn 203 jumyspen qamtý ortalyǵy bar. Adamdy jumyssyzǵa jatqyzý úshin ol úsh shartqa sáıkes kelýi kerek. Jumysy joq jáne ony belsendi túrde izdep júrgen, tabylǵan jumysqa aldaǵy eki apta ishinde kirisýge daıyn adam jumyssyz dep tanylady. Eger adam jumyssyz bolsa, biraq ol ony izdemese, onda jumyssyzǵa jatpaıdy. Ol jaı ǵana ekonomıkalyq turǵyda belsendi emes adam bolyp sanalady», - deıdi sarapshy.

Sondaı-aq, ol qazaqstandyqtardyń jumyspen qamtý ortalyqtary men eńbek bırjalaryna tirkelýge qulyqsyz ekenin aıtady. Oǵan jumyssyzdarǵa beriletin járdemaqynyń tómen bolýy da áser etetin kórinedi.

«Bul jaǵdaı jumyssyzdyq boıynsha áleýmettik tólemderdiń óte tómen deńgeıimen baılanysty. Onyń mólsheri 2020 jyly orta eseppen 43 myń teńge boldy. Biz 2019 jáne 2020 jyldary jumyssyz retinde tirkelgenderge taldaý jasadyq. Jumyssyz retinde járdemaqy alatyndar negizinen 30-44 jas aralyǵyndaǵy áıelder», - deıdi Aleksandra Molchanovskaıa.


Joǵary qaraı