Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jýrnalısterdiń quqyǵyn qorǵaý reglamenti jarııalandy

2021 jyldyń 24 qarasha 2021 17:05

NUR-SULTAN. QazAqparat - Qazaqstan Respýblıkasy Aqparat jáne qoǵamdyq damý mınıstrligi jarııa talqylaý jáne barlyq múddeli ortalyq jáne jergilikti memlekettik organdarymen kelisý rásiminen keıin «Jýrnalısterdiń quqyqtary buzylǵan jaǵdaıda olardyń quqyqtaryn qorǵaý reglamentin» resmı saıtta ornalastyrdy, dep habarlaıdy QazAqparat.

Reglamentte jýrnalısterdiń, memlekettik organdardyń quqyqtary men mindetteri jáne jýrnalısterdiń quqyqtary buzylǵan jaǵdaıdaǵy Mınıstrliktiń is-áreketteri kózdelgen.
Reglamenttiń negizgi maqsaty jýrnalısterdiń quqyqtary buzylǵan jaǵdaıda olardyń quqyqtaryn qorǵaýdyń qosymsha tetikterin ázirleý bolyp tabylady. Reglament memlekettik organdar men BAQ ókilderi úshin aqparattyq-túsindirý sıpatyndaǵy ádistemelik qural bolyp tabylady.
Mınıstrlik úshin jýrnalısterdiń quqyqtaryn qorǵaý mańyzdy basymdyq bolyp qala beredi, sondyqtan bul másele árqashan Mınıstrliktiń erekshe baqylaýynda bolady. Jýrnalıst óz quqyqtarynyń buzylý faktisi anyqtalǵan jaǵdaıda, máseleni sheshýge kómek kórsetý úshin Mınıstrlikke júginýge quqyly. Jýrnalısterden kelip túsken barlyq ótinishterdi qaraý barysy QR Aqparat jáne qoǵamdyq damý mınıstriniń turaqty baqylaýynda.
Reglamentpen kórsetilgen silteme boıynsha tanysýǵa bolady.


Basty sózder: BAQ, Zań,
Joǵary qaraı