Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Júıeli sybaılas jemqorlyq qańtardaǵy kóterilisterdiń trıggerine aınaldy – Qasym-Jomart Toqaev

2022 jyldyń 28 qańtar 2022 16:23

NUR-SULTAN. QazAqparat – Prezıdent Qasym-Jomart Toqaev Nur Otan partııasyna sybaılas jemqorlyqqa qarsy paıdaly bastamalar usynýdy tapsyrdy, dep habarlaıdy QazAqparat.

«Nur Otan partııasy men jarııalaǵan sybaılas jemqorlyqqa qarsy aıaýsyz kúrestiń aldyńǵy shebinde bolyp, osy kúrdeli problema jóninde paıdaly bastamalar usynýy tıis. Júıeli sybaılas jemqorlyqtyń qańtardaǵy kóterilisterdiń ózindik trıggerine aınalǵany esh jasyryn emes», - dedi Memleket basshysy Nur Otan partııasynyń kezekten tys XXI sezinde.

Prezıdent qoǵamda azamattardyń sybaılas jemqorlyq ádetinen múldem bas tartýyn qalyptastyrý mańyzdy ekenin aıtty.

«Bul jumys azamattyq qoǵamdy jumyldyrýsyz múmkin bolmaıdy, partııa onyń ajyramas bóligi bolyp sanalady. Sondyqtan partııa óziniń sybaılas jemqorlyqqa qarsy strategııasyn jańa mazmunmen tolyqtyrýy kerek», - dedi Qasym-Jomart Toqaev.

Aıta keteıik, Nur-Sultanda Nur Otan partııasynyń kezekten tys XXI sezi jabyq rejımde ótip jatyr . Bekitilgen kún tártibine sáıkes, onda – partııanyń Tóraǵasyn saılaý týraly, jarǵyǵa ózgerister men tolyqtyrýlar engizý týraly jáne saıası keńes quramyna ózgerister engizý týraly úsh másele qaralady.



Joǵary qaraı