Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jýyrda qaýipsizdik keńesiniń otyrysyn ótkizemiz – Memleket basshysy

2022 jyldyń 11 qańtar 2022 14:45

NUR-SULTAN. QazAqparat – QR Prezıdenti Qasym-Jomart Toqaev qazaqstandyq qarýly kúsh shuǵyl jaǵdaı kezinde ózdiginen sheshim qabyldaýyn qamtý týraly aıta kele, olardyń jetekshilerine júkteletin jaýapkershilikti kúsheıtý kerektigin málim etti, dep habarlaıdy QazAqparat tilshisi.

«Qarýly kúshterdiń ózdiginen sheshim qabyldaı alýyn qamtamasyz etý kerek. Jáne qarýly kúsh jetekshileriniń jaýapkershiligin kúsheıtý qajet. Sonymen qatar dinı ekstremızmge qarsy kúreste keshendi sharany júzege asyrýymyz tıis. Olardyń teris nıetteriniń krımınaldyq qylmysqa aınalyp ketpeýine jol bermeý kerek. Ásirese qylmystyq atqarý mekemeleri úshin abaı bolǵan jón. Taıaýda qaýipsizdik keńesiniń otyrysyn ótkizemiz. Ol jerde joǵaryda aıtylǵan jaıttar ortaǵa salynyp, sheshý joldary qaralady», - dedi Qasym-Jomart Toqaev Májilis otyrysynda.

Buǵan deıin Prezıdent keıbir memlekettik organdar jumysynyń olqylyǵy men tıimsizdigin synǵa alǵan edi.

Odan bólek, Memleket basshysy sheneýnikterdiń halyqpen dıalog qura almaıtyndyǵyn synap, Úkimet músheleri men ákimder turǵyndarmen únemi baılanysta bolýy kerektigin eske saldy.



Joǵary qaraı