Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jyl basynan beri Almaty bıýdjetine 1,1 mlrd teńge tústi

2021 jyldyń 14 maýsym 2021 16:58

ALMATY. QazAqparat - Almaty ákiminiń orynbasary Іlııas Óserov óńirlik kommýnıkatsııalar qyzmeti alańynda ótken onlaın brıfıngide bıýdjet qarjysy qalaı ıgerilip jatqanyn aıtty, dep habarlaıdy QazAqparat tilshisi.

Onyń aıtýynsha, ótken jyl ońaı bolǵan joq, alaıda daǵdarysqa qarsy ýaqtyly qabyldanǵan sharalardyń arqasynda bıyl dınamıkanyń jaqsarǵany baıqalady.

«Qańtar-mamyr aılarynda bıýdjetke 1,1 trln teńge tústi. Bul ótken jyldan 248 mlrd teńgege artyq. Bul bizge áleýmettik-baǵdarlanǵan is-sharalarǵa arnalǵan shyǵystardy ulǵaıtýǵa múmkindik berdi. Atalǵan qarajat 8 mekteptiń, 13 qosymsha qurylysty jalǵastyrýǵa, jolaýshylar tasymaldaý úshin jańa avtobýstar satyp alýǵa, jeke balabaqshalarǵa memlekettik tapsyrys ornalastyrýǵa, «Baqytty otbasy» boıynsha 223 otbasyna jeńildikpen nesıe berýdi qarjylandyrýǵa, barlyq áleýmettik mekemede múmkindigi shekteýli adamdardy ońaltýǵa jáne trenajerlarmen tolyq qamtamasyz etýge jáne basqa da shyǵyndarǵa jumsaldy», - dedi Іlııas Óserov.

Bul rette jergilikti bıýdjetke túsetin túsimderdiń 63%-dan astamy korporatıvtik tabys salyǵy eken jáne eńbekaqy tóleý qorynan túsetin salyqtar esebinen orta jáne shaǵyn bıznespen qamtamasyz etilgen.

Salalyq bólimde bıýdjetke túsetin túsimderdiń joǵary ósimi saýdada – úshten bir bóligi, kólik salasynda - 2 esege, qarjy salasynda - 20%-ǵa jáne ónerkásipten - 14%-ǵa óskeni baıqalady.

«Jaqsy ósim, onyń ishinde biryńǵaı zeınetaqy tólemderin tóleý kezinde eseptelgen salyq túsimderi esebinen qamtamasyz etilgenin atap ótken jón», - dedi spıker.


Avtor Alma Muqanova
Basty sózder: Ekonomıka, Bıýdjet, Almaty, Ákim,
Joǵary qaraı