Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jyl basynan beri «Eńbek» membaǵdarlamasyna múgedektigi bar 11,6 myń adam qatysty

2021 jyldyń 27 shilde 2021 09:43

NUR-SULTAN. QazAqparat - 2021 jyldyń 6 aıynyń qorytyndysy boıynsha Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aıasynda 11,6 myń múgedektigi bar adamǵa jumyspen qamtýda qoldaý kórsetildi, dep habarlaıdy QR Eńbek jáne halyqty áleýmettik qorǵaý mınıstrliginiń baspasóz qyzmeti.

Osy oraıda 9,4 myń MBA jumysqa ornalastyrylsa, onyń ishinde 3,3 myńy turaqty jumys oryndaryna, al 6,1 myńy ýaqytsha jumys oryndaryna (áleýmettik jumys oryndary, jastar tájirıbesi jáne qoǵamdyq jumystar) turǵyzyldy.

Joǵaryda atalǵan kezeńde qysqamerzimdi kásiptik oqytýmen 362 adam qamtyldy.

«Bastaý bıznes» jobasy boıynsha kásipkerlik negizderine 1185 MBA oqytyldy, onyń ishinde 127-si óz jobalaryn qorǵap shyqsa, 45-i grant, 2-i shaǵyn nesıe aldy.

Sondaı-aq, «Eńbek» memlekettik baǵdarlamasy aıasynda 158 adam shaǵyn nesıe alsa, taǵy 524 múgedektigi bar adamǵa qaıtarymsyz grant bólindi.

Budan basqa, MBA arnalǵan jumys oryndary kvotasy sheńberinde 4,4 myń adam jumysqa ornalastyryldy. Tıisti kvotalardy jergilikti atqarýshy organdar «Halyqty jumyspen qamtý týraly» zańyna sáıkes, aýyr, eńbek jaǵdaıy zııandy jáne qaýipti jumystardaǵy jumys oryndaryn eseptemegende, jumys isteıtinderdiń jalpy sanynyń 2-den 4%-ǵa deıingi (keminde 50 adam) mólsherinde belgileıdi.

Sonymen qatar, halyqaralyq tájirıbe negizinde, múgedektigi bar adamdardy jumysqa ornalastyrý úshin arnaıy jumys ornyn jabdyqtaýǵa jumys berýshilerdiń shyǵynyn sýbsıdııalaý engizildi.2021 jyly kórý, estý jáne tirek-qımyl apparaty buzylǵan adamdar úshin 251,8 mln teńge somasyna 113 arnaıy jumys ornyn qurý josparlanǵan. Aǵymdaǵy jyldyń 1 shildesindegi jaǵdaı boıynsha 19,3 mln teńge ıgerilip, 9 arnaıy jumys orny quryldy.


Joǵary qaraı