Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jyl basynan beri qazaqstandyq oqýshylar halyqaralyq olımpıadalarda 200-den astam medal enshiledi

2021 jyldyń 24 shilde 2021 12:03

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov elimizdiń mańyzdy álemdik deńgeıdegi jarystarda – matematıka men bıologııadan halyqaralyq olımpıadalardaǵy oqýshylardyń jetistikteri jaıly málim etti. Bul týraly vedomostvo basshysy Facebook-tegi paraqshasynda jazdy, dep habarlaıdy QazAqparat.

«Qazir búkil álemniń ári elimizdiń nazary Tokıodaǵy Olımpıada oıyndarynda.

Biz Qazaqstan quramasyna jankúıermiz.

Bul postta elimizdiń basqa da mańyzdy álemdik deńgeıdegi jarystarda – matematıka men bıologııadan halyqaralyq olımpıadalardaǵy oqýshylardyń jetistikterimen bóliskim keledi.

Matematıka páni boıynsha olımpıadada bizdiń oqýshylar alty medal jeńip aldy, onyń ishinde bir altyn, 3 kúmis jáne 2 qola bar. Elimizdiń atynan álemdik deńgeıdegi olımpıadaǵa Nur-Sultan, Almaty, Qaraǵandy jáne Atyraý qalasynan alty oqýshy qatysty.

Altyn medal ıegeri – Myrzataı Aıbek, kúmis medal ıegerleri – Dúısenbekov Danat, Satýbaldın Taır, Sam Fetýllah, qola medal ıegerleri – Oljabaev Asylbek jáne Baımýrzın Rahım.

Bıologııa páni boıynsha olımpıadada el namysyn Nur-sultan, Almaty, Óskemen jáne Aqtóbe qalalarynan 4 oqýshy qorǵady. Olar 1 kúmis jáne 2 qola medal, sondaı-aq 1 Qurmet gramotasyn ulttyq quramanyń qorjynyna saldy.

Kúmis medaldi Temirbekov Erasyl, qolany Batyrjanov Ernar men Ernazarov Baqdáýlet, Qurmet gramotasyn Ábdýáli Gúldana jeńip aldy.

Olımpıada júldegerlerin, olardyń ata-analaryn, muǵalimderi men jattyqtyrýshylaryn jeńisterimen quttyqtaımyn!

Qurmetti oqýshylar!

Bul – sizderdiń eńbekterińizdiń jemisi. Sizder álemniń júzden astam elindegi qurdastaryńyzben zııatkerlik saıysta jarysyp, elimizdiń namysyn abyroımen qorǵadyńyzdar.

Bolashaqta bıik belesterdi baǵyndyrýdy tileımin! Biz óz tarapymyzdan qazaqstandyq oqýshylar ózderin kúlli álemge tanyta otyryp, halyqaralyq baıqaýlarda budan da úzdik nátıjeler kórsetýi úshin jaǵdaı jasaýdy jalǵastyramyz.

Osy jyldyń basynan beri bizdiń oqýshylar halyqaralyq olımpıadalarda 200-den astam medal jeńip alyp, óz bilimderiniń joǵary deńgeıin kórsetti», - dep atap ótti Ashat Aımaǵambetov óz jazbasynda.





Joǵary qaraı