Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jyl basynan beri múgedekterge jáne asyraýshysynan aıyrylǵandarǵa 260 mlrd teńge járdemaqy tólendi

2021 jyldyń 13 qyrkúıek 2021 09:41

NUR-SULTAN. QazAqparat - Qazaqstandyqtarǵa jyl basynan beri múgedektik jáne asyraýshysynan aıyrylý jaǵdaıy boıynsha járdemaqy túrinde 260 mlrd teńgeden astam qarajat tólendi, dep habarlaıdy QazAqparat Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Vedomstvonyń málimetinshe, 2021 jylǵy qańtar-tamyz aılary aralyǵynda respýblıkalyq bıýdjetten múgedektigi boıynsha memlekettik áleýmettik járdemaqy tóleýge 206,6 mlrd teńge, asyraýshysynan aıyrylý jaǵdaıyna baılanysty memlekettik áleýmettik járdemaqy tóleýge 54,3 mlrd teńge baǵyttalǵan.

2021 jyldyń tamyz aıynda respýblıkalyq bıýdjetten múgedektigi boıynsha memlekettik áleýmettik járdemaqy tóleýge 26,1 mlrd teńge, asyraýshysynan aıyrylý jaǵdaıy boıynsha memlekettik áleýmettik járdemaqy tóleýge 6,5 mlrd teńge jumsaldy.

1 qyrkúıektegi jaǵdaı boıynsha múgedektigi boıynsha memlekettik áleýmettik járdemaqy alýshy - 528,6 myń adam, asyraýshysynan aıyrylǵandar - 160 myń.

«Múgedektik jáne asyraýshysynan aıyrylý jaǵdaıy boıynsha memlekettik áleýmettik járdemaqy mólsheri múgedektik tobyna jáne sebebine, qaıtys bolǵan (qaza tapqan) asyraýshynyń asyraýyndaǵy adamdar sanyna, sondaı-aq tıisti qarjy jylyna arnalǵan «Respýblıkalyq bıýdjet týraly» zańynda belgilenetin eń tómen kúnkóris deńgeıiniń shamasyna baılanysty bolady», delingen habarlamada.

Mınıstrliktiń málimetinshe, 1 qyrkúıektegi málimetke sáıkes múgedektigi boıynsha memlekettik áleýmettik járdemaqynyń ortasha mólsheri 49 375 teńge, asyraýshydan aıyrylý jaǵdaıy boıynsha memlekettik áleýmettik járdemaqynyń ortasha mólsheri 40 543 teńge.


Joǵary qaraı